Ki kaam pyrchaah aiñ ha kylleiñ ka jylla

Jowai: Katkam wa pyntip ki pulit ha ka chi tarik uni u bnai, u Deepak Thapa ka 58 GTC, Happy Valley, Shillong da ujor u wa da yoh kem ya u Lurmangkara Wahlang wei da chem na oo 6 tylli ki yusong kot wa em hapoh ka tadong Cigarette wa suba toh i drug Heroin iwa khia 0.09 Grams.

Ha ka 31-12-18 heipor 6 waje i miet da kop diñ i yung u Joginder Gupta ha Fancy Valley, Tura (WGH), neidaw ka Electric Short Circuit wei da baam lut i diñ ya i yung u.

Ha ka 29-12-18 heipor 3 waje nohchariñ ka sngi da em kiwa tooh ya i ksiar wa chong dor T. 80,000 wa ka poisa wa T. 8,000 na yung u Rohul Sharma wa em ha Goraline, Nongrimmaw, Laitumkhrah.

Ha kani ka jooh ka sngi heipor 4:30 nohchariñ ka sngi da em kiwa lute i yung ka Eberista Marbaniang wa em ha chnong Mawrusyiar, WKH wei da tooh ki ya ka poisa wa T. 30,000 wa i ksiar wa chong dor T. 1,52,000.

Related posts

Chah kylliang ki QR Code ki dukan ha ki bru wa thok wa chukor

January 13, 2025

Ieh ki ar ngut ya ki thuk-thuk hadien wa yut na ki pulit

January 11, 2025

Ha ka jooh biang ka sngi, u Syrpai Dkhar na Nongkrem, Warbah (EKH) da ujor u wa da em ki 4 ngut ki bru da psiah ki hapoh ka Restaurant wei da phah baam ki tangwa ym em su ki wei da tba kti ya u Dkhar wei da yut ki khem su.

Ha ka 28-12-18 ka P Joyati Rao da ujor ko wa da em ki bru wa sai poisa naka Account yong ka T. 40,000.