Pdiang ka PDF ya i rai u PN Syiem wow mih naka PDF wei da kyntait leh wa da khylliap ya ka Mawsynram Zonal Committee

Shillong: Ka People’s Democratic Front (PDF) ynne ka sngi da pdiang sñiawbha ko ya i rai yong u Pynshngaiñ N Syiem wow mih noh na ka Party kamwa da pynbna paidbah ha ka 23 tarik u bnai wa da dep deiwa ong waka Party ym em de bna ko ya oo.

Hawa yaklam wa kiwa thoh khubor ynne ka sngi, neiliang u President ka PDF, u Ivanlumlang Marbaniang da ong u wa ya kani ka rai da chim ha ka yalang ka Central Executive Committee (CEC) kawa da bichaar bniah yei pynbna u Chairman warim ka PDF wow mih noh na ka Party.

U Marbaniang da kyntait u leh yei pynbaad u Pynshngain wa ka Party ym bna ka oo, deiwa ong wa u PN Syiem emlang u wa ka Party ha ka yalang wa pynman ha u Naikhynde ha ka 28 tarik u 2018 kawa da wanrah ya ka sñiawthooh yumut wow pynbait ya i duna ka Party.

U Marbaniang da kyntait u leh yei pynbna wa ya ka PDF Mawsynram Zonal Committee da dep wow khylliap lama neidaw wa hadooh katni ka Party ym em yoh ko ya ka chithi iehnoh kaam kiwa yahkhmat ka party na Mawsynram.

Neiliang u General Secretary ka PDF, u Auspicious Lyngdoh da ong u waka chithi iehnoh kaam da soi du u PN Syiem samen wei ka PDF ha Mawsynram dang im hi ko.

Ya ka PDF da seiñdur da u PN Syiem hachwa ka Election MLA 2018, tangwa neiliang kiwa yahkhmat ka Party da kyntait ki wa kani ka Party toh kawa yahkhmat da u PN Syiem u CEM warim ka KHADC.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Ha iwi tawon i liang u Banteidor Lyngdoh da e u ya ka burom ya u PN Syiem uwa da ye wow pynkylla ya ka People’s Democratic Forum na KHADC cha ka seiñ saiñ pyrthai ka People’s Democratic Front (PDF).

Also Read: Syndet, mih noh u PN Syiem na ka seiñ PDF