Ki kaam pyrchah aiñ ha kylleiñ ka jylla

Jowai: Katkam ka yutip wa da yoh na ki pulit da ong wa ha ka 24 Wisu ka Agnes Kharshiing, President, CSWO da ujor ko wa chah thang pyn-im ka Medlin Khongmawloh (36 snem) ha u kurim yong ka u Besterwell Nongkhlaw (38 snem) ha Mawshun (EKH). Ki pulit da kem ki ya u Besterwell.

Ha ka 27 tarik ka Agnes Kharshiing da ujor ko wa ha kani ka sngi heipor kamwa 8:30 -8:45 i miet da em ar ngut ki bru uwi uwa tip kam u Joel Lamare uwa da dawa T. 10,000 na u Heirtami Dkhar, deiwa pynbaad wa em drugs ha oo wei man u kam uwa dai drugs. Uwi won uwa synraan ya u Lamare da pyndur u wa man pulit u wei da sai u ya ka pistol kamjooh leh ya ka ID.

ADVERTISEMENT

Ha ka jooh hi ka sngi ka Dr. Dipali D Sangma wa ki soo ngut kiwi tawon kiwa kreh ka Civil Hospital, Williamnagar (EGH) heipor kamwa 5:30 – 6:00 waje i janmiet, da em ki damok kiwa muaid ki wym tipmit, da psiah ki cha ka Emergency Room kani ka thaw sumaar, wei da sdang ki u maisih maisang ki wei da phah sumaar ki kamjooh leh wow inject TT ya ki neidaw wa Accident ki. Hadien ini da yut ki na kani ka thaw sumaar wei da ieh ki chadien ya ka thuk thuk wa em u Number ML-07B-6283.

U Kermiki Dkhar da ujor u wa ha ka miet yong ka 27 Wisu ynru ngut ki bru wa tip kam u (1) Heymon Talang, (2) Precious Dkhar, (3) Ioanis Phawa, (4) Sosanki Nongtdu, (5) Rollan Suja, (6) Swami Manner  da tooh ki ya ki battery na ka Airtel Mobile Tower, ya ka Generator, Car CD Player, wa kiwi kiwi na i yung u iwa em ha Khliehriat West (EJH). Kini ki ynru ngut da tooh ki leh ya ki Mobile Phone, Power Bank wa kiwi kiwi ki yong uwa chongwai ha yung u. Chooh chooh ha ka 28 tarik heipor 10:30 i step da tooh ki sa ki naar na pchem yung u. Waroh kini ki tiar chongdor ki kamwa T. 1,50,000.

Related posts

Chah tooh ki sahchkoor ksiar kawi ka bru heipor wa chong Taxi ha Shillong

July 10, 2025

Chah kem ki ar ngut ki Bangladeshi wa ar ngut kiwa na Meghalaya wa yarap ya ki

July 10, 2025

Ha ka 30 Wisu u Lebithson Sangma na Songsak (EGH) da ujor u wa heipor kamwa 6:00 waje i janmiet u khon yong oo uwa tip kam u Elear A Sangma da chah dat u hadooh wa yap ha u Lazarush Ch Marak, ha i yung u Ilam Shira. Da ong wa ya u Lazarush da synraan da u (1) Ilam Shira, (2) Notubat Marak, (3) Ismail Shira, (4) Atuha Sangma wa u (5) Dikchi Marak.

Ha i miet yong ka 31 Wisu ki pulit da kem ki ya u Heipormi Bareh (28 snem) na Khanduli (WJH) wei da yoh ki na oo ya kawi ka .22 revolver wa 6 tylli ki kuli. Hei yatoh wa ini ki pulit dang pynman ki ya ka takit.