15 49.0138 8.38624 1 0 4000 1 https://wyrta.com 300 0
Advertisement ad1

Ki kaam pyrchah aiñ ha kylleiñ ka jylla

0 Comments

Jowai: Ha ka 29 tarik uni u bnai u Garry Berth Kyndiah da ujor u wa ha ka step kani ka sngi da em wa tooh ya ka kor tem sur hapoh kari u heipor wa dang pynyeiñ kari u hajan Laitumkhrah Cathedral, Shillong.

Ha ka jooh ka sngi kawi ka kari kamai wa yah da u Macdulfy Stone Kharshiing da tyrrah ko ya ka thuk thuk pulit ha 3rd Mile junction, Upper Shillong wei uwa yah ya kani ka kari kamai da pyrchang u wow yut na ini i thaw wei hadien wa kdong wow kem ya oo da pynthut u ya ki pulit wow leh yei kaam yong ki.

Ha ka 28 tarik won ka Saqrila Kharsati kawa sah ha Bishnupur, Shillong da ujor ko wa heipor 4:25 i janmiet da chem ko ya u payu ko, u Vijay Kharsati (26 snem) wa da thiah yap u ha thaw thiah u wei da pynbaad ko wa ka kurim yong oo ka Amrita Thapa (23 snem) da tynyap ka oo.

Ha ka miet ka 27 tarik won ki pulit da kem ki ya ki le ngut, u Budeshwar Dewri (25 snem), u Md. Sirajur Ali (35 snem) wa u Dipanker Kalita (32 snem) wa suba wa pynemkaam poisa thok ki ha Umden kawa haap hapoh ka Nongpoh PS, Ri Bhoi wei na ki, ki pulit da chem ki ka poisa wa T. 25,700.

Ha ka 25 tarik won heipor 3:30 noh chariñ ka sngi kawi ka Truck wa em ya u number ML-04A-8445  da tyrrah ko ya u Martin Lyngdoh hajan ka MVI Check Gate ha Umtyra, EJH wei uwa chah tyrrah da mynsoo u wei da kit ya oo cha CHC Khliehriat yow yoh sumaar u katwa uwa yah ya ka Truck da yut u na kani ka thaw wei ki pulit dang pynman ki ya ka takit heiyatoh wa waroh kini ki kaam.

Advertisement ad1

0 Comments

Leave a Reply