Jowai: Katkam wa pyntip ki pulit ha ka 16 tarik uni u bnai heipor kamwa 6 waje i step da chem yei metyap uwi u bru wa sdien pasi na uwi u dieñ.
Ya i metyap uni u bru da tip kam u Livingstone M Marak (52 snem) da chem na Dolagia Bazar, Kalaipara (SWGH).
Ha ka 15 tarik uni u bnai heipor 3 waje i sngi kawi ka Scotty wa yah da ka Tengjak M Marak (28 snem), da tyrrah ko ya uwi u bru wa lai kjat u Ronjing Ch Marak (85 snem) ha Hatisil (SWGH). Da pynkit ya oo cha Civil Hospital Ampati.
Ha ka 14 tarik won uni u bnai ki bru wym tipmit da tooh ki ya ki tiar Laboratory, ki tiar bordin kiwa chongdor T. 2,50,000 na yung krehkaam ka District Horticulture Office, Ampati (SWGH).
Ha ka 28 tarik u Naikhynde da chah tooh ka thuk thuk wa em ya u number ML-08B-8632 ka yong u Sagar R Marak na i yung sah u wa em ha Rongkhon, WGH.
Ha ka 16 tarik won heipor wa 11 waje i miet da em wa tooh ya 10 tylli ki synduk wa em ya ki sianar bordiñ wa chongdor T.10,000 na iwi i yung wa dang chna thymme yong u F S Lyndem na Mawlai Umshing, Shillong.
Discussion about this post