15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Lai bait ka lehniam pynkut Durga Puja ha Nartiang hapyrdi i duna kiwa wan sakhi

0 Comments
Advertisement ad1

Jowai: Hadien wa ka yungbichaar wa emburom ka Meghalaya High Court haka 16 tarik uni u bnai da hukum ko wa ya ka lehniam Puja ha Nartiang u pyndep da u Pandit Oni Maskut Deshmukh, kamtæ ynne ka sngi ka lehniam Durga Puja ha Nartiang da man ko kawa lai bait lai ryntih khlem em kawon kawon ka pynwit namo mih kulmar hadooh wow li pynngam um ya ka Blai hei wan sonteri ki pulit soodong ka mandir.

Ha kani ka sngi khaddooh, kiwa ngait niam da dang chwa ki daka lehniam Puja wa pyndep da u Pandit hei emlang ki wasan wei da pyndep leh ya ka Chaad Pastieh.

Kamtæ heipor 2 waje i sngi ki paidbah deilang wa ka Chaad Patieh Pastieh da lai hiar ki cha ka wah Myntang wow li pynngam um ya ka Blai, heiwa ka Blai toh kawa chna da ka pachor kawa rah da u Pandit wei manda poi ha rood ka wah Myntang da pyndep biang yaka lehniam wei da pom ya uwi u blang chwa wow pynngam yaka Blai.

Ka lehniam ha uni u snem man ko kawa duna bru neidaw wa jia ki huri hura wa da jia wow yaknieh Pandit wow pyndep ya ka niam u Pandit thymme u Swapon Bhattacharjee wa da jied da u waheh chong ka Nartiang ym em wan u ynne ka sngi wow chimbynta hadien waka Meghalaya High Court da phah kem ko ya oo lada wan u wow pynwit ya ka lehniam kamjooh ya u waheh chnong.

Share this:
Previous

Ki kaam pyrchah aiñ hapoh ka jylla

Next

Pynbaad kawi ka kynthai wa chah leh khlemakor ko ha kiwa kreh niam ha Shillong