Ki kaam pyrchah aiñ na kylleiñ ka jylla

Jowai: Katkam ka yutip wa yoh na ki pulit da pyntip wa ha kani ka 31 tarik u bnai wa da dep u Rajesh Patel uwa na Najing Bazar, Araimile, Tura (WGH) da ujor u wa em le ngut ki bru wa kam toh kiwa naka LIC kiwa tip pyrtuid kam u (1) Sanjoy Ray, (2) Shreya Ghosal wa (3) Somnath Banerjee, da wan ki kam ki bru sorkar wei da chim ki na uwa ujor T. 2,85,000.

Ha ka jooh ka sngi ki pulit da chem ki ya ki soo tylli ki truck dumper heipor 11:30 i miet wa em ya u number (1) ML-11-2824, wa yah u Wanri Syrti, (2) ML-11-3124, wa yah u Blooming Ryngkhlem, (3) ML-11-7611, wa yah u Phermi Ryngkhlem wa (4) ML-11-5890, wa yah u Saimi Sana, heipor wa dang kit mooyong ki pyrchah ya ka hukum ka NGT na Raliang, WJH.

Ha ka jooh hi ka sngi heipor pyrdi synyaaw ki pulit da psiah ki wow lai kynreh ya i yung yong ka Kimboi Mate (29 snem) ha Lummarboh, Nongrah, Shillong wei da chem ya 9.4 gram i lakit wa suba toh i drug Heroin wa 6085 tylli ki kuli WY (Yaba).

Ha ka jooh biang ka sngi heipor chi waje i step kawi ka Bolero Camper wa em ya u number ML-11-1869 da wiar ko na 18th Mile, Byrnihat (RB).

Related posts

Chah dung ka kynthai wa na Assam hadooh wa yap pyn ha u chan ko ha Bengaluru

November 28, 2024

Chah tooh ka yungmane ka Balang Unitarian ha Shillong

November 28, 2024

Ha ka 30 tarik won heipor kamwa 2:30 i sngi da em ki damok kiwa ym tipmit wa wan da ka kari Maruti Eeco Van wa em ya u number ML-10B-6628 da tooh phniang ki na kawi ka truck wa pynyieñ ha Umran Dairy (RB). Tangwa kiwa emkti da yut ki na ini i thaw hadien wa yoo ki paidbah ki wei hadien ini da kem ya u Donlang Mawnai wa u Reshan Iaineh Suiam kiwa emkti ha kani ka kaam.

Ha ka 29 tarik won da em kiwa tooh ya ka thuk thuk wa em ya u number ML-05K-7366 ka yong u Climaxstone Lyngkhoi, wa booh ha 3rd Mile, Lumpdeng, Upper Shillong.

Ha ka jooh ka sngi biang u Kial Syiem da ujor u wa ha ka miet ka 29 tarik da em kiwa tooh ya ki soo tylli ki masi wa chongdor chi lak na trep masi u wa em ha chnong Nongsohlait, WKH.