January 11, 2017
0 Comments
Jowai : Katkam ka yutip wa da yoh na ki pulit da ong wa da yoh ki ka ujor na kawi ka bru kawa ong wa ha ka 29 Kmaichonglad 2016 heipor 7:30 i miet, da chah slaitbor ko ha u Hamshlur Lamurong ha i khloo hajan Lumlakbra Community Hall, East Jaiñtia Hills.
Ha ka 25 tarik u jooh u bnai ka khynnah wa 13 snem i rta heiwa da ong ko wa da chah slaitbor ko ha kani ka miet ha u Honeybee K Sangma, ha chnong Chokdenggre, West Garo Hills wei da maham u leh ya ka hadien wa leh u yeini i kaam.
U Sanjay Das da ujor u wa ha ka 18 tarik u jooh u bnai ar ngut ki bru wa tip kam u Riyajul Islam wa u Sofiqul Haque da rahbor ki ya ka khon u kawa 16 snem i rta na Rajabala West Garo Hills dei thmu wow pynkylla ya ka cha ka niam Muslim.
Hei yatoh weini ki pulit da register ki ya ki case wei dang takit ki yeini waroh.