New Delhi: U Prime Minister ka ri u Narendra Modi, ynne da pdiang sñiawbha u ya waroh ki MP thymme chwa u sdang ka dorbar wa nyngkong ka 17th Lok Sabha.
Ha i thoh wa da e cha kiwa thoh khubor, u Prime Minister da ong u,“Ynne ka sngi man ko ka dorbar wa nyngkong hadien ka Election Lok Sabha 2019, wei pdiang sñiawbha O ya waroh ki MP wa thymme wei deiwa em ki da wanrah lang ki ya i kyrmen wa thymme, ki thong wa thymme wa i mynsien wow kreh neibynta ki paidbah.”
U Modi da sñiawkmen u leh wa da em boom ki MP kynthai ha kani ka 17th Lok Sabha. Wei ka Parliament u ye ko u krehkaam khlem i thut deiwa pyrkhat ya i angnood ki paidbah.
U Prime Minister da pynkynmoo u leh yei emkaam u em ka liang pyrchah hapoh ka synchaar paidbah wei da yooluti u chibynta ki ha i rukom wa miat wa bha wei ym toh u khuslai ki yei katwon ngut em ki.
“Manda wan i hapoh Parliament, toh u mylliñ i ya kiwon wa ya krehlang i wa ya kiwon pyrchah i, toh u em i ka mynsien kawa ym em yachah chilliang deiwa kreh neibynta ka ri”, da ong chooh chooh u PM.
Discussion about this post