June 23, 2019
0 Comments
Jowai: Katkam wa pyntip ki pulit, haka 17 tarik uni u bnai, u Jai Kishore (38 snem) da ujor u wa heipor wa oo wa ki lok u dang dang lai ki cha Dagal na Mendipathar, NGH ha kawi ka thuk thuk, da wan ki arngut ki bru wa knieh yaka snieh-poisa u wa em yaka ATM wa Mobile Phone ha Do’bima Chiring, NGH.
Haka 14 tarik da em wa psiah tooh cha yung ka Ibapynsuklang Galong ha Mawlai Nongkwar, Shillong wei da tooh ki ya kawi ka Digital Camera wa ki tiar chet tiar tu.
Haka jooh ka sngi, u Bhakupar Sawian da ujor u wa heipor 8 waje i miet da em ki bru wa tooh 21 tylli ki battery na Vodafone Tower wa em ha Mawlai Umjapung, Shillong.
Haka jooh hi biang ka sngi, u Salemul Ahmed da ujor u wa heipor 8:30 i miet da em kiwa tooh ka ka thuk thuk u wa em ya u number ML-05K-0408 kawa pynyeiñ ha Polo, Shillong.
Haka 13 tarik, u Theophilas Passah da ujor u wa heipor chi waje i sngi, ki wakreh DIPR, Shillong da chem ki wa da em wa tooh yaka Battery ka Office Generator.
Haka 17 tarik heipor 9:58 i miet, u Bishnu Roy da ujor u wa da chah tooh ka Scooty u kawa em number ML-05S-4028 kawa pynyeiñ u hajan yung wa sah u ha Upper New Colony, Laitumkhrah, Shillong.
Haka 15 tarik won, u Anselimus Nongbri (32 snem) da ujor u wa kiwa sah ka chnong Amarsang, SWKH da yoh kem ki ya u Westerwell Hashah na chnong Pormador heipor wa tooh masi u yong uwa ujor.
Haka 19 tarik heipor 1:30 i step synyaw da em wa tooh yaka kari Tata Sumo wa em ya u number ML-08F-8521 wa pynyeiñ hajan Civil Hospital, Nongpoh (RB).
