Ki kaam tooh hapoh ka jylla

Jowai: Katkam wa pyntip ki pulit, haka 8 tarik uni u bnai uwi u bru uwa tip kam u Ricaldo Nongbet (28 snem) da chah kem u heipor wa mut u wow tooh ya kawi ka LED TV na yung u Cooperfield Khongwir ha Jaiaw Laitdom, Shillong.

Haka 7 tarik da em kiwa tooh T. 60,000 na i yung ka Rachizi Kajiri wa em ha Arbuthnot Road, Nongrimmaw, Block-A, Shillong.

Haka miet ka 6 tarik da em kiwa psiah chapoh u pood u ang ka Laitumkhrah Presbyterian Church wei da tooh ki 7 tylli ki Bid-Corks.

Haka 4 tarik da em wa tooh yaka snieh-poisa wa em kamwa T. 3,800 wa ar tylli ki Mobile Phone u Sujit Barua, heipor wa lai luti u da kawi ka Taxi na Polo cha Laitumkhrah, Shillong.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Haka miet ka 4 tarik da em wa tooh ya kawi ka thuk thuk wa em ya u number AS-14J-5376 ka yong u Najrul Islam, kawa pynyieñ hajan Umdud, Majai kawa haap hapoh Shella PS, East Khasi Hills.

Haka 29-09-19, ka Thil Pohsiej da ujor ko wa em wa tooh ya 6 tylli ki masi yong ka kiwa chong dor T. 1,60,000 na trep masi ko wa em ha Madan Umsalang, West Jaintia Hills.

Ka Banisha Sunn da ujor ko wa ha i step ka 9 tarik uni u bnai heipor 11 waje i step da em ki bru wa psiah tooh cha yung ko wa em ha Umniuh wa haap hapoh ka Umiam PS, Ri Bhoi wei da tooh ki ya kawi ka sahkti ksiar, u chabi Scooty wa kiwi kiwi.

Ka Dilet Syiemiong da ujor ko wa haka 9 tarik da em wa tooh na yung ko T. 3000 iwa em ha Lad Umsaw iwa haap hapoh ka Umiam PS, Ri Bhoi.

Haka 8 tarik heipor 4 waje i step, da em wa tooh na iwi i dukan wa em ha Lum-Nongrim, Dewlieh, Ri Bhoi heiwa da tooh ya ki mar wa chong dor T. 4,000 wa ka poisa wa T. 2,000. Kini kiwa tooh leh da psiah tooh ki cha kamra ki wakreh ka Lum-Nongrim Dewlieh UP & LP School.

Ha i step ka 7 tarik heipor 3 waje da em kiwa psiah tooh cha ka Daram Union G/A Secondary School, North Garo Hills, wei da pynpra ki ya ki tiar ki tar wa em ha ka kamra ki wakreh kani ka skur wei da tooh ki ya kawi ka Computer Keyboard wa kawi ka Mobile Phone.

Haka 8 tarik heipor 2:30 i step synyaw da em wa tooh ya kawi ka thuk thuk wa em ya u number ML-05G-6381 ka yong u Aldinus Shabong na chnong Mawlum Umsiar, West Khasi Hills.

Haka 7 tarik, u K. Passah, District Sports Officer, East Jaiñtia Hills da ujor u wa heipor 10:30 i miet, da em wa tooh naka yung krehkaam u yaka kawi ka CPU, UPS, Keyboard, Laptop, Xerox Machine Tonner, ki CFL Bulbs, Pen Drive wa kiwi kiwi ki tiar kiwa chong dor waroh T. 1,62,600.

Haka 4 tarik da em wa tooh ya kawi ka thuk thuk wa em ya u number ML-08F-6866 ka yong u Cuba Ch Marak, kawa pynyieñ hajan ka Civil Hospital, Tura West Garo Hills.