Ki kaam tyrrah kari hapoh ka jylla

Jowai: Katkam wa pyntip ki pulit haka 6 tarik uni u bnai heipor 8 waje i step kawi ka thuk thuk wa em ya u number ML-08A-0972 wa yah da u Helthing N Sangma, da tyrrah ko ya uwi u bru wa lai kjat u Garjen Marak ha Betasing Market, SWGH. Wei ya uwa mynsoo da kit ya oo cha Civil Hospital Tura yow yoh yei sumaar.

Haka 3 tarik uni u bnai heipor 01:00 i sngi kawi ka Mini Truck wa em ya u number AS-01-JC-1900 wa yah da u Md. Mofidul Islam da noh ko cha synrang ha Shymplong NH-06, EJH. Heiwa uwa yah wa uwa yarap u Md. Shajahan Ali da khlaad ki ha ini i thaw wa jia.

Haka 2 tarik won heipor 7 waje i miet kawi ka Bolero Pick-up wa em ya u number ML-06-8954 wa yah da u Lebison Kharmawphlang (21 snem) da noh ko cha synrang wa em ha Mattilang Park Junction, 6th Mile, Upper Shillong deilang wa 35 ngut kiwa chong.

Ha ini i jia kiwa chong da mynsoo ki wei da kit ya ki cha PHC Pomlum, wei hadien da kit cha Civil Hospital Shillong yow yoh sumaar heiwa u Medical Officer da pyntip u wa u Shosteering Kharkongor (19 snem) da khlaad u.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Ha ka 5 tarik ka Dr. Olisha Sumer, i/c Mawhati PHC (RB) da ujor ko wa heipor 12:30 chiteiñ synyaw uwi u bru wa tip kam u Sabinus Amson da wanrah ya oo cha ka PHC, uwa da khlaad haka sngi wa bood wa mynsoo u hadien wa chah tyrrah u haka Bolero Pick-up wa em ya u number ML-08E-8507 ha Lamalong (RB).

Ha ka 8 tarik heipor 12:30 i pyrdi synyaw kawi ka Bolero Pick-up wa em ya u number ML-08D-6772 wa yah da u Kada Miah, da tyrrah ko ya kawi ka dukan cha wa em ha Dharamchas Junction, SWGH. Ha ini iwa jia uwa yah Bicycle da mynsoo u wei da kit ya oo cha PHC Nogorpara.

Ha ka 6 tarik heipor 01:00 i step synyaw kawi ka Bolero Pick-up wa em ya u number AS-19C-0938 da kylla ko ha Dangkong Dokatong Dambo Reserve Area, EGH heiwa uwa yah da yut u na kani ka thaw wei hadien da chem toh wa kit mooyong tooh u.

Haka 28-02-19 u Obidain Iakai da ujor u wa u Elving Iakai da lai mih u wow kreh ha Rngain, Lakasein (EJH) tangwa ym em liwan yung u wei haka 5 tarik uni u bani da chem ya i metyap u naka wah Kupli.