15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ki kaam yatyrrah kari wa ki kaam tooh kaam lute ha kylleiñ ka jylla

0 Comments
Advertisement ad1
Advertisement ad1
Advertisement ad1

Jowai: Katkam ka yutip wa da yoh na ki pulit da ong wa ha ka 15 Khonchonglad (November) u Baten Ali da ujor u wa heipor 12:10 waje i sngi ka wi ka truck (ML-06-8679) kawa yah da u Sheldwinton Kharumnuid da tyrrah u ya ka ka thuk thuk u Ali (ML-05J-2716) ha Sawlad, Madanrting, Shillong. Ha in i jia uwa yah kamjooh uwa chong wa oo da mynsoo ki wei da kit ya ki cha Super Care Hospital, Shillong.

Ha ka jooh hi ka sngi u Charles Mynsong da ujor u wa heipor 12:10 i sngi, kawi ka thuk thuk (ML-05J-2716) da tyrrah ko ya ka chaka dien yong ka truck u heipor wa chim pass u ka ha Sawlad, Madanrting, Shillong. Ha ini i jia uwa yah ya ka thuk thuk da mynsoo u.

Advertisement ad1

Ha ka 28 Khonchonglad nawon u Andrew R Passah da ujor u wa heipor kamwa 1:30 i sngi, ki damok wym tipmit da tooh ki ya ar tylli ki stabilizer, ka wi ka kor Lamination, 12 tylli ki tiar tama, kawi ka mobile phone na yung wa sah u ha 3rd Mile, Upper Shillong.

Ha ka 29 tarik nawon u jooh u bnai u Cheerfulson Suna da ujor u wa heipor 9:00 waje i miet ar ngut ki damok ki wym tipmit kiwa rah wait wei da dat da bom ki ya kiwa kreh yong oo kiwa da tip kam u Spein Suna, u Mital Pyrtuh wa u Rilang Lynshiang ha Umkboh (Umthe) EJH wei da lute ki T. 4,900 na ki. Ha ini i jia kini ki le ngut da mynsoo ki.

Ha ka 2 tarik uni u bnai won heipor 12:00 waje chiteiñ synyaw, kawi ka Maruti Local Taxi (ML-05H-6842) kawa yah da u Rivaldo Nongkynrih (23 snem) da yatyrrah ko wa kawi ka thuk thuk (ML-05H-7367) kawa da yah da u Chesrang Momin (26 snem) ha Umtyngar (EKH). Ha ini i jia u Momin da mynsoo u wei da pynkit ya oo cha Civil Hospital Shillong.

Hei yatoh wa kini waroh ki pulit dang pynman ki ya i takit.

Share this:
Previous

Ym em yarap ka sorkar ya ki ar ngut ki khloor wa wanrah naam ya ka ri: AJSU

Next

Psiah Quarter Final sa ka Croline waka Evergreen Mukhla ha ka 3rd Division