15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ym em yarap ka sorkar ya ki ar ngut ki khloor wa wanrah naam ya ka ri: AJSU

0 Comments
Advertisement ad1
Advertisement ad1
Advertisement ad1

Jowai: Ka All Jaiñtia Students Union (AJSU) Seiñbei deilang waka kur Suchiang da lai pdiang burom ki ya arngut ki khloor yalehkai Jeet Kune Do na Guwahati ynne ka sngi.

Kini ki arngut kynthup ki ya u Ferdinand Suchiang wa ya u Sanbor Lyngdoh Nongpyuir kiwa yoh takma ksiar ha Asia Gold Cup, Jeet Kune Do Championship 2017 kawa da pynman ha sorbah Pattaya, Thailand.

Advertisement ad1

Ha chwa ka wow pdiang burom, ka AJSU da pynman ko ya ka yalang ha Meghalaya House Guwahati wa pyllai da u General Secretary AJSU Shillong Circle u Robert S Nongtdu. Da yoh leh ya i klam na u President seiñbei ka AJSU u Eleazer C Dkhar uwa da pynsñiaw yei kmen wa i sarong ya ki arngut ki khloor ka ri wa wanrah ki ya ka naam ka burom ya ka Ri wa ka jaitbru.

Ka seiñ da pynsñiaw ko leh yei sñiawsih hadooh kattæ kattæ neibhah ka sorkar yoosar ym em khmat ko wow pait ya i kaam kini ki khloor wa wanrah naam kawa man ka sarong ya ka jylla neibhah tang ka lutsan ki leh ym em yarap ka sorkar ya ki.

Ka seiñ da ong ko leh wa heipor u Amit Paul ka sorkar kreh chitom ko wow kyrchaan wow yarap yei lut i sep u, ileh won wa ya kini ki arngut ki khynroo da leh da iwi tawon kiwa da wanrah yei naam ya ka jylla wa ka ri.

Da kylli leh wa iyi i daw wa ka sorkar hapoh i yahkhmat u Dr. Mukul Sangma ym e yarap ko wow yarap kamjooh wow pynkup burom wa kyrpang ya kini ki khynroo yow yoh mynsien ki haki kaam yong ki.

Chooh chooh da ong wa kiwa mihkhmat na ri-loom Jaiñtia ki 7 ngut ki MLA wow wan ki cha khmat wow yarap ya u Ferdinand Suchiang kamjooh leh ki MDC wow yarap ya oo khnang yow poi u cha ki naam wa ha khlieh dooh ka pyrthai.

Share this:
Previous

Mynstep ka Walk-In Interview neibynta i kreh Office Assistant

Next

Ki kaam yatyrrah kari wa ki kaam tooh kaam lute ha kylleiñ ka jylla