Ki kari kiwa khlem pyndait ya ki HSRP ha Meghalaya daw ksoh ki wei ki tre ye ki u chah kset

Ka sorkar Meghalaya lyngba u Commissioner of Transport da pyntip ko wa waroh ki kari hap ki wow pyndait ya ki High-Security Registration Plate (HSRP) deilang wow pynbiang ki kot ki sla wei ya kani ka pynbna paidbah da pynmih hadien wa chem wa em boon ki kari ki wym em pyndait ya ki HSRP nakhmat wa nadien ka kari.

Lada ym leh yeini daw man ko leh iwa tyngkheiñ ya ka hukum ka Supreme Court deilang ka Rule 50 ka Central Motor Vehichles Rules, 1989 kawa da klam che wa emkaam wow pyndait ya ki HSRP na khmat wa nadien ka kari.

Ka sorkar da ong ko wa da chem leh wa ki kari wa khia kiwa kit mar kiwa pynemkaam ha ki thaaiñ khappood wa ki thaw wa em cha kdong ka jylla wa lai ki khlem da pyndait ya ki HSRP Number Plate na khmat wa nadien deilang deiwa khlem biang ki kot ki sla.

Kamtæ da phah ya waroh ki tre kari wa kiwa pynlai kari wow pyndait ya ki HSRP, u pynbiang ya ka Certificate of Fitness katkam ka Section 56 ka Motor Vehicles Act. 1988, neitæ wow em leh ka PUC Certificate katkam ka Section 190(2) ka Motor Vehicles Act, 1988 deilang ka Rules 115 ka Central Motor Vehicles Rules, 1989.

Related posts

Ka 18 tarik ka sngi thap Vote, ka 8 tarik ka sngi khaddooh wow thap pyrtuid kyrtong MP Rajya Sabha ka Meghalaya

May 29, 2026

Pdiang burom ka MSOA ya ka Dr. PT Usha hei sien wa nyngkong wa wan ko cha Shillong

May 29, 2026

Hap leh wow biang ka Registration Certificate (RC), ka Insurance Certificate, ka Road Tax, ka License uwa yah kari wa kiwi de ki kot ki sla katkam wa da kdaw ha ka Motor Vehicles Act, 1988.

Yeini waroh daw pyntikna da ki bor sorkar ha kylleiñ ka jylla khamtam ha ki thaw khappood wa kiwi de ki thaw wei kiwa leh pyrchah daw chah pynchitom ki katkam ka aiñ Motor Vehicles Act, 1988 heiwa ye wow chah ksoh ka kari deilang ki kuna hadooh wow chah kset.