Ki kharmator ymye ki u kamtre ya ki thaw ha Them Iewmawlong: Paul Lyngdoh

Shillong: U Working President ka UDP u Paul Lyngdoh ynne ka sngi, da rah u ya ki kot ki sla cha u Chairman ka High Level Committee (HLC) u Prestone Tynsong neibynta i emkaam wow kyrriah noh ya ki kharmator na Them Iewmawlong.

Hawa yaklam wa kiwa pathai khubor hadien wa yachem ya u symbood montri rangbah, u Paul Lyngdoh uwa da jooh man teiñ kam u montri sorkar, da ong u wa ka thaw Them Iewmawlong man ko ka thaw yong ka Municipal wa yong ka Hima Mylliem wei ki kharmator ym em bynta ki iyi leh ha ini.

“Lada em i kajia ya i thaw i bhaw toh du hapyrdi ka Hima Mylliem waka Shillong Municipal Board wow pynbait wei emkaam wow tuklar wei wow epor ya ki kharmator kiwa dang kreh ha ka Municipal,” da ong u Paul Lyngdoh.

Katkam i ong u Paul Lyngdoh, i thaw wa em ha ha Them Iewmawlong iwa heh kamwa 34,000 sq. ft. man i yong ka Municipal iwa da e du wow sah ya ki kharmator.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

“Ki kharmator ymye ki u kamtre ya kani ka thaw neibhah man ki du kam kiwa kreh ka Shillong Municipal Board kawa da phah chong du ya kiwa kreh yong ka donhi wei da toh u mih ki hadien wa da kut i por, iwa man thij kamwa sah u montri rangbah uwa sah ha yung sorkar. Ya ki kharmator da wanrah heipor pharæng wei ym em mut i wow man ki kam ki tre thaw,” da ong u Paul.

Da ong u leh wa ha ki snem 2005-06 heipor wa man u kam u montri sorkar ha ka tnat pynroi sor, da thmu u wow kyrriah ya ki kharmator hadien wa ka sorkar da thmu ko wow chna ya ka sarok suiñ (fly over) heiwa da chim ko leh ya i thaw ki bru samen kam chibynta ka High Court wow chna leh ya ka Multi Level Building ha Them Iewmawlong wa sah ki kharmator, wei ya kani ka kaam da suki noh ko dei tuklar ka bor na Delhi wei da i lai kasari ki bru kiwa sah ha Them Iewmawlong.

Hei yatoh wei i wym em leh u iwon iwon heipor wa em u hei bor, u Paul da ong u, “Da em ki bru ki wymtip wei kiwa ym kwah leh wow tip leh ya kiwa da leh O.”

Ha iwi tawon i liang u Paul da ong u wa i wan ki bru na baar jylla cha Them Iewmawlong, da man ko kam wow e diñ choh chooh neibhah wa ini i kyrriah ya ki ym em mut ko wa pyrchah ya kawi ka jaitbru tangwa toh ko neidaw wa kiyi wa mantre ya kani ka thaw.