Ka Home Ministry ha ka hukum (Order) wa da pynmih ynnin ka sngi da ong ko wa ki khian paaid na Afghanistan, Bangladesh wa Pakistan kiwa kynthup ya ki Hindu, Sikh, Buddhist, Jain, Parsi wa Christian wa wan cha India hadooh ka 31 Kmaichonglad (Dec), 2024 dei thmu wow yut nei chah lehbeiñ ha kini ki ri ye ki wow sah ha India khlem ki Passport næ kiwi ki kot ki sla.
Kani ka hukum wa pynmih ka Ministry toh deiwa bood ya ka Immigration and Foreigners Act, 2025 kawa da krehkaam nadooh ka 1 tarik uni u bnai.
Kini ki khian paaid na ki le ri da yohbor chwa ki na ka Citizenship Amendment Act (CAA), kawa da krehkaam nadooh u 2024 wei krehkaam ko neibynta kiwa wan cha India ha namo chwa ka 31 Kmaichonglad (Dec) 2014 heiwa ye ki wow man kam ki tre ri namo ki Citizens.
Katkam ka Immigration and Foreigners Act, chah ko wow sah khlem Passport ya kiwa wan hadooh u Kmaichonglad (Dec) 2024 tangwa ym em kular ko wow man ki kam ki tre ri.
Ini daw yarap i ya kiwa boon ki khian paaid khamkam ki Hindu na Pakistan kiwa wan hadien u 2014.
Chooh chooh kani ka hukum klam che ko wa ki khian paaid na ki le ri kiwa wan hadooh ka 31 tarik u Kmaichonglad (Dec) 2024 ye ki wow sah hanla em Passport wa kiwi ki kot ki sla kiwa da yap næ da kut por leh kamjooh.
Discussion about this post