• About Us
  • Contact Us
  • Privacy Policy
  • Advertise With Us
  • Terms & Conditions
Saturday, May 10, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Politics

Ki khloor ka ri India katni da mih ki na ki manyung wa dooh wa duk wow jop ya ka pyrthai: Modi

Wyrta Staff by Wyrta Staff
August 15, 2018
Reading Time: 4 mins read
A A
0
Share on FacebookShare on Twitter

Jowai: U Montri Rangbahdooh ka ri, u Narendra Modi hawa klam u hakhmat ka ri ynne ka sngi laitlooid ka ri India na Red Fort,da ong u wa ka ri katni toh kawa dap dei sñiaw skem heiwa ka ri lyngba ka Navika Sagar Parikrama 6 ngut ki kynthai wa man kam ki Naval Officer da ka lieñ da ye ki u uiñ talawiar ka pyrthai wei ha ki kaam Sports kiwa wan na ki manyung wa dooh wa duk na ki bynta wa sahdien ka ri da ye ki wow rah burom ya ka ri deiwa jop ha ki yakop wa boon yong ka pyrthai.

Da ong u wa ini da man ki kamwa phooh u syntu wa phooh chisien 12 snem uwa tip kam u Neelakurinji uwa mih ha Nilgiri Hills wei ka ri India hi ha ka kahyi pateiñ da mahajon ko wei da man ko kawa ynru hapoh ka pyrthai.

Da kynmoo warom u leh ya kiwa boon ki khlawait ka ri kiwa yaleh wow yoh laitlooid ka ri wei da e salam u leh ya ki chiphai wa ki pulit wei da kynmoo warom u leh ya kiwa da dooh yei mynsien ha ka Jallianwala Bagh wei da kynmoo u leh ya kiwa dooh yei mynsien yong ki ha ki chlai um hapoh ka ri.

Da klam u leh ya ki sur rwai wa thoh u myllung Subramaniam Bharti uwa da ong wa ha kawi ka sngi ka ri India daw yah luti ko ya ka pyrthai wow tyngkheiñ yei chah kdoh chah khoom wei ini waroh iwa yimphoo daw man sakhiat i heiwa nadooh kiwa dooh wa duk deiwa e nongmuna ya u Babasaheb Ambedkar uwa pynwandur ya ka riti synchaar (Constitution) ka ri wei katni ka ri man ko kawa yatylli wei u lai ko cha khmat wow pynku ya ka ri heiwa katni da ye u pynbiang ya ki paikhana, u pynyoh bordiñ, ki LPG Gas Connection wei wow chna ya ki yung.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u leh wa ka thaaiñ mihsngi katni da pawnaam ko yeiwa ye ko u pynmih ya kiwa yalehke Sports wa boonjait wei kamjooh kam ka thaaiñ rep wa ye u pynmih ya ki mar rep wa da pynheh pynsan da ki sboh wa pynmih da ka rymaw ymtoh de da ki dawai wa chna u bru.

Da pynbna u leh wa ki Scientist ka ri India lyngba ka “Gagan-Yaan” daw phah bru ko cha haw haw (Manned Space Mission) ha u snem 2022 wei ka India daw man ko ka ri wa soo wa ye u leh ya ini.

Da klam u leh wow pyku archah yei yoh nong ki warep katkam ka thong ha u snem 2022 wei ymtoh iwa eh u leh ya ini wei ka Ujjwala Yojana waka Saubhagya Yojana ki bru katni da yoh ki u im deiwa em burom. Da kam u leh waka WHO da yaroh ko ya ka Swachh Bharat Mission.

ShareTweetSendShare
Previous Post

Lyngba ki dak thoh booh naam u warim how Moopynyieñ, sdang ka chnong Sohmynting wow lehkmen sngi laitlooid

Next Post

Ka lehkmen sngi laitlooid ha Shangpung

Next Post

Ka lehkmen sngi laitlooid ha Shangpung

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar