Jowai: Ka seiñ All Hynñiewtrep People United Front (AHPUF) da pynsñiaw ko yei sñiawkhia heiyatoh wa i kynrum kynram hapyrdi ki MDC ka Jaiñtia Hills Autonomous District Council (JHADC).
“Boon na ki MDC yong i toh ki bru synjor mynsien wa ki wym ye u neh ha ka luti yong ki, ym burom ki ya ki paidbah wa pynjop ya ki wa ya ka Party wa ki yieñ ki kamjooh leh ym em ki i kitkhlieh neibynta ka ri wa ka jaitbru, ki im ki du haka yaknieh chuki wa i khwan myntoi samen,” ong u President ka seiñ u John Phawa.
Du hapoh soo snem da em hadooh soo ngut ki CEM ha JHADC kitæ u Thombor Shiwat, u Andrew Shullai, u Moonlight Pariat wei katni won sa u Madonbai Rymbai. Napyrdi kini kiwa ksoh slem kam u CEM toh u Thombor Shiwat katwa u Andrew Shullai wa u Moonlight Pariat da neh ki du kattu katni bnai donhi.
Kini ki CEM warim wa le ngut khamtam u Andrew Shullai wa u Moonlight Pariat, u President ka seiñ da ong u wa ymye u ong wa ymye ki u yakhkhmat ya ka Council neibhah da yoh ki u kreh du kattu katni bnai donhi wei da chah kylliang ki tang wow chong bha leh ym em yoh ki.
Chooh chooh da ong u wa ini i yut seiñ ki MDC wow pynyabi won wa kiwi katwa ngait ki katwa chawa beh ka la-ær, pynyoo ko wa man ki ki bru kiwa ym neh wa ki wym ye u chaniah, ki kwah ki du i naam wa i burom wymtoh rukom wei em ki i mynsien wa yachoon wa ya bichni para MDC wei ym em ki ya ka kitkhia ya ka ri wa ka jaitbru. Hanlada ym em ka aiñ wow khang ya ki wow yut seiñ, ki MDC toh u em ki ka kitkhlieh yow burom ya i krehkaam ka Council yow lait u mih i kynrum kynram ha ka synchaar ka khadar.
Ka seiñ da pynsñiaw ko leh yei pyrchah ya u Madonbai Rymbai wow man u kam u CEM yong ka Council neibhah da ong ko wa uni u MDC man u u bru wa sih uwa da pynwiar ya ka poisa ka Council kawa da ki phaw phaw lak tyngka, man u leh u bru wa ym em akor ha ka ktien ka thylliej ya iwa ka seiñ da chem ko ha i por wa ka lai yachem ko ya oo ha kiwon kiwon ki kaam neibynta wow yarap ya kiwa dooh.
Kani toh katkam ka khubor na u President ka seiñ u John Phawa.
Discussion about this post