Ynne ka sngi kawa man ka sngi wow jied ya u Chief Executive Member (CEM) ka JHADC heiwa ki 17 ngut ki MDC ka Council da jied ki ya u Thombor Shiwat wow man biang kam u CEM ha kani ka kynti.
Wei hadien wa pyndep yeini, u Chairman ka JHADC, u Dr. Sankey Shangpung da e khublei u ya waroh ki dkhot wa chimbynta hei wow jied ya u CEM ka Council deiwa kitbok leh ya u Thombor wa da man u kam u MDC la 4 sien wa kam u CEM la 3 sien wow ye u wow yahluti ya ka JHADC.
Da ong u wa i jop u Tombor man i sarong ym du ya ka Council tangwa wot ya ka Moodop Umladang Constituency leh kamjooh.
Chooh chooh da yooluti u wa i man CEM biang u Thombor daw ye u wanrah ymdu ya ka tulop næ ki Scheme tangwa wot ya ki aiñ wa khlan wow pynskem ya ki riti ki dustur.
Heijooh i por u Chairman da pynsñiaw u yei sñiawsih wow yoo wa heipor wa jied ya u CEM, ki MDC ka VPP ym em kwah ki u chimbynta ha ini i kaam kawa man leh ka dorbar wa chong nyngkong dooh, iwa ye u ong wa man kiwa khlem wa sneiñ khlem Discipline deiwa kyntu ya ki MDC wa thymme wow pynyoo yei emakor ki wow krehlang chirup.
Da kular u leh wow man uwa rap pynkhor (Strict) neini chaphrang lada ya ka liang synchaar (Ruling) næ ka liang pyrchah (Opposition) yow lait ki wow leh katwa ngait.
Discussion about this post