15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Ki Mission wa wanrah u Mukul toh kiwa pynsepai ya ka poisa paidbah: Conrad

0 Comments
Advertisement ad1

Resubelpara: U montri rangbah ka jylla, uwa man leh u National President ka NPP, u Conrad K. Sangma ynne da beiñ u ya u Dr. Mukul Sangma uwa da wanrah ya ki rukom krehkaam namo ki Mission kiwa khlem myntoi kiwa pynsepai ya ka poisa paidbah ka jylla. Da e nongmuna u leh ya ka Agar & Bamboo Mission ha Meghalaya wa wanrah da u Mukul kiwa khlem poi thong wei ya ini waroh da ong u Conrad hawa e yei klam ha ki Rally ha Resubelpara, North Garo Hills. 

Da ong u leh wa u daw mih chiboon ki kaam wa wanrah u Mukul yeiwa ki paidbah hi daw yoo ki yei pynemkaam bakla u (Mukul) ya ka poisa wow myntoi samen donhi.

Ya u Conrad da synraan da ka montri warim ka sorkar pyrdi ka Agatha K. Sangma, ka wow yakhun kam ka kyrtong NPP na Tura Parliamentary Constituency, ya kawa da jooh yahkhmat da u (T) Purno Sangma. Da emlang leh u Deputy Speaker u Timothy D. Shira, Government Chief Whip u Marcuise Marak, wa kiwi kiwi ki MLA wa MDC ka party.

U Conrad da ong u leh wa kani ka yakhun ka Agatha K. Sangma man ko kawa khroo bha neibhah wa waroh ki Party da e kyrchaan ki ya ka NPP neibhah wa chaniah skem ki ya ka Party wow mihkhmat na kani ka Constituency.

Chooh chooh da kyntu u ya ki paidbah wow kyrchaan ya ka Agatha neibhah manda lai u cha Delhi kam u Montri Rangbah ka jylla, boonsien phah pynyang ki montri ya oo, tangwa mar tip ki wa toh u khon yong u (T) P.A. Sangma da phah psiah wot ki oo (Conrad) wut wut khlem pynyang, katwa kamtæ emkaam da ki bru kiwa da tipmit wei burom da ki heh ha Delhi.

Advertisement ad1

0 Comments

Leave a Reply