U National President ka National People’s Party (NPP) uwa man leh u montri rangbah ka jylla, u Conrad Kongal Sangma da pynbna paidbah u ynnin i janmiet wa waroh ki heh ka People’s Democratic Front (PDF) kynthup ki ar ngut ki MLA u psiah noh ki cha ka NPP.
U Conrad da pynbna u yeini ha ka yalang yalap Election ha ka chnong Lawmei yong ka Sohïong Constituency.
Kam wow kdaw heini wa ki heh ka PDF nadooh u president wa u working president, u Gavin Mylliem wa u Banteidor Lyngdoh da kyntait ki wow khana ya ka wai wa da chim ka CEC wow emlang noh ya ka NPP, katwa ka khubor kawa tikna bha da ong wa ki heh ka PDF u khylliap lama noh ki wow psiah noh cha ka NPP.
Neiliang u Conrad da ong chooh chooh u wa kani ka rai ka PDF wow em noh cha ka NPP toh wa da chim ha ka yalang yong ka Central Executive Committee kawa da man ynnin.
