Ki montri ka sorkar man ki kam ki peon u Dr. Mukul: Robinus Syngkon

Jowai: Ynne ka sngi ka BJP –Jaiñtia Hills da pynman ko ya ka yalang paidbah ha Iawmusiang wow pynsñiawthooh ya ki paidbah chaphang ki thong krehkaam ka party heiwa da wan sakhi ya ka da ki paidbah na kylleiñ ka ri-loom Jaiñtia.

Ya kani ka yalang da pynlai da u Moinasing Phyllut, wei da yoh ya ki klam na kiwa kitkaam ka party, ki kyrtong yong ka wa kiwi kiwi.

U MLA warim ka 4 Mowkaiaw Constituency, u Robinus Syngkong hei klam yong oo da ong u wa ha kani ka sorkar Congress palat 75 % ki kaam pynroi poi ki cha ri-loom Garo neibhah wa leh embor ware u Dr. Mukul Sangma kam u Montri Rangbah ka Jylla.

Chooh chooh da ong u wa ki montri ka sorkar jylla hapoh ka Congress man ki kam ki peon yong u Dr. Mukul neibhah ki kiwa haap rah ya ki file cha oo yow soi u ya ki kaam wa emkaam.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

U Vice President ka party hapoh ka jylla, u David Kharsati da ong u wa ka BJP kwah ko wow pynkhlan chooh chooh ya ki rukom synchaar ki District Council wei da thmu ko leh wow pynku ya kiwa mihkhmat na ka 30 cha ka 40 ngut ha kawi pa kawi ka Council lada poi ko heibor.

Da beiñ joor u leh ya ka Congress kawa ymye u pyntoh pynbiang yeiwa emkaam ki paidbah hapoh ka jylla.

U President yong ka BJP WJH u Marki Mulieh hei klam da ong u wa kani ka sorkar Congress man ko kawa baamtooh bha wei ka wym kreh neibynta wow wanrah ya i roi i paar hapoh ka jylla.

Da ong u wa oo lada yoh ticket u wei lada jied ya oo kam uwa mihkhmat na Jowai, daw kreh u neibynta ka um baam um dih kam ka scheme saam um na wah Mynngot, wow pynku ya ka sor Jowai, wow wanrah ya ki luti syngkieñ kiwa kyllooid wa kiwi kiwi.

Kiwi kiwa da klam ha kani ka sngi kynthup ki ya ka Secretary yong ka BJP Mahila Committee ka Anita Susngi, u Secretary ka WJH u Teiborlang Hinge, wa kiwi kiwi.