Uwa yahkhmat ka All India Trinamool Congress wa pait ya ka AITC ha Meghalaya, u Manas Ranjan Bhunia da ong u wa ki paidbah ha Ri Khasi-Jaiñtia ki da pait ki da kiwi ki laad neidaw wym hoi i krehkaam ka sorkar kawa katni, wei da pynrap u wa kiwa yahkhmat yong ka AITC toh kiwa biang ya ki paidbah u jied ki.
U Manas uwa em katni ha Shillong, da ong u ya ini hawa jubab cha ki kattu katni ngut kiwa thoh khubor, hajrong i kylli wa ka AITC da rap paaw ko ha Garo Hills, katwa ha Khasi-Jaiñtia dang chem chitom ko wow pynkohngooh ya ki paidbah.
Da pynsñiaw u wa ki paidbah ki pdiang ki ya u Dr. Mukul Sangma wa ya u Charles Pyngrope, neibhah toh kiwa yahkhmat wa paaw wa biang ha ka jylla, wei ki em ki leh yei kyrmen wow lai chakhmat ha i pynkhreh ya ka Election MLA kawa daw man ha u snem 2023.
Ha iwi i liang u Bhunia da ong u wa ka Party da sdang ko wow pynkhreh neibynta i pynpsiah dkhot, wei hadien ini daw pynbna leh ya ki Block Committee.
