U MLA/MDC warim ka Nongkrem, u Ardent Miller Basaïawmoit da ong u wa i len ka sorkar wa ym em i tih mooyong tooh man i iwa ymye u pdiang neibhah lada bakla da ki paidbah ymtoh ki bru tangwa lada bakla da kiwa em hei bor tæ toh wa man ki du ki bru.
Hawa jubab ya i klam u Prestone Tynsong wa ki pulit toh du ki bru wei ymye ki wow khang yei kaam khayi mooyong tooh, u Ardent da beiñ u deiwa ong neiyi i daw wa pynchitom phi ya ki paidbah hawa bakla ki ha ki kaam wa khian, deiwa pynrap lada ki toh du ki bru toh u maap bait khlem pyndaiñ kuna kamwa da leh ha i por wa ki paidbah ympu sñiawthooh bha ki ya u Odd wa Even Number, tangwa da chah pynchitom ki deiwa daiñ kuna da ki hajar.
Da ong u wa ini i leh mut i wa lada ki paidbah bakla ki, ki ymtoh ki bru tangwa lada bakla da kiwa em hei bor, man wot ki kam ki bru.
U Ardent da ong u wa ki paidbah daw bichaar ki iwi pa iwi i klam kiwa em hei bor ha ka sorkar, wei ka ‘Revolution’ Ïada La ka Ri daw klam ko yeini ha i por wa biang.
