Shillong: U Montri Rangbah ka jylla u Dr. Mukul Sangma da ong u wa i wan ki montri ka BJP khari khari cha kani ka jylla toh du wow pynsepai hi-eh ya ka poisa ki paidbah.
Da ong u wa kini ki Montri ka BJP ym em burom de ki wot ya ka sorkar jylla neibhah da lai lait ki na i tip ka sorkar jylla, hei sakhiat hawa wan kiwon kiwon ki Montri ka sorkar pyrdi hawa lai ki cheiwon cheiwon ki thaw ha kiwon kiwon ki jylla haap pyntip ki ya ka sorkar jylla.
Tangwa ki Montri ka BJP da psiah da mih ki cha kani ka jylla katwa ngait hi-eh ki wei du wow wan beiñ wan pynbaad ya ka sorkar jylla.
U Mukul da kop u leh wa ka party Congress daw wan biang ko hei bor neibhah ki paidbah kyrchaan ki ya kani ka sorkar tangwa ym sñiawsuk ki ya ki MLA.
Chooh chooh da ong u wa ka BJP daw liwan thylli ko ha kani ka Election neibhah ym yoh ko wot tang uwi wot leh u MLA.
Discussion about this post