Ki paidbah toh kiwa da stat, ym ye ka HNLC wow yahbakla ki deiwa tyrwa da ka tulop: Gavin

U MLA ka NPP na Sohra, u Gavin M Mylliem da ong u wa ki paidbah ym ngait ki yei thmu ka HNLC neibhah kiwa boon toh kiwa stat wei kiwa da tip.

Kam wow pynkynmoo wa ka HNLC ha ka kyrwoh wa da pynmih ha ka tayaaw wa da dep da khut ko ya kiwa kreh ka Mawmluh Cherra Cement Ltd (MCCL) wow wan psiah cha ka seiñ deiwa kular leh wow su Rs. 25,000 chi bnai kam ka tulop hadien wa ka sorkar da pynbna ko wa em ko yei thmu wow khang noh ya kani ka karkhana pynmih khyndaw-bilat.

Hawa yatoh wa ini, neiliang u MLA uwa da chah maham pynyap leh ha ka HNLC, da ong u wa ki paidbah katni ym biej de ki wei kiwa boon toh kiwa da stat da che wei ym ye ki wow chah yahbakla ha kam ini i thmu wa ka HNLC da em ko.