Jowai: Kam ha kini ki por wa em ka khang chnong namo ka Lockdown wow yakhun ya ka khlam u COVID-19, ynne ka sngi u MLA ka Mowkaiaw Constituency, u Nujorki Sungoh wa u Montri ka chnat i chait i khiah ka jylla, u AL Hek da lai pait ki yei man i long ki thaw sumaar kam ki CHC, PHC wa em hapoh ka Laskein C&RD Block wow tip hadooh katwon da man ki kiwa da pynkhreh wow yakhun ya ka khlam u COVID-19.
Neiliang u Nujorki da ong u wa hawa wyrchaw ya i krehlang man i iwa kitkhia ki bru cha palatsor bar cha sor neibhah ha kani ka thaaiñ da krehlang bha ki paidbah wa ki bor ka chnong wa ka sorkar.
Da kyntu u leh ya u Hek wow chimkhia wow pynbiang næ wow booh ya ka Ambulance ha ki thaw sumaar khamtam kam ha Barato PHC.
Neiliang u Nujorki da kyntu u leh ya ki paidbah wow kreh lang chirup wa ki Doctor ki Nurse, da pynrap chooh chooh u deiwa ong wa ymtoh u tieñ i tangwa emkaam wow man i ki paidbah kiwa husiar wa kiwa syndong.
Discussion about this post