Ki Party em ki yei hok wow kular Election, daw lai bait ka thap Vote ha khappood: CEC

U Chief Election Commissioner yong ka India, u Rajiv Kumar da ong u wa i thap Vote ha ki khappood Meghalaya-Assam u lai bait ki kamwa toh u man.

U Kumar da ong u ya ini hawa jubab yeiwa kylli hawa yachem wa kiwa thoh khubor ha i wan pait wa ar sngi da ki heh ka Election Commission of India ya ka Meghalaya kawa da khreh wow lai chei jied ya kiwa mihkhmat cha ka yung dorbar chna aiñ kawa daw pynbna noh ha kini ki kajiak sngi.

U Kumar da ong u wa neibynta wow pynman yei thap Vote kawa lai bait lai ryntih ha khappood, ki heh ki District ki ar jylla da dep ki wow yaklam wei da khana u leh wa da pynkit wei da e kti leh ha ki sahep sorkar wa ki DGP yong ki ar jylla wow chimkhia wow pait wa ki paidbah wa em ha ki bynta khappood wym em iwon iwon i eh lane i chah pyndik wow lai pyndep hok ya i kaamram wow thap yaka Vote ka yong ki.

Hawa kylli won hajrong i ujor pyrchah ya uwi na ki kyrtong u wow yakhun ha kawi na ki Constituency hajrong i pynbaad wa da lai u chakhmat wow lai yalap Election yong oo ryngkat i saam da ka poisa wa ki tiar, u Kumar da ong u wa ym pu tip ya ini wei da e kti ha u Chief Electoral Officer ka jylla wow leh ya iwa emkaam.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Katwa hawa yatoh won wa i ujor ka BJP Meghalaya ya ka NPP kawa da saam T. 5000 lyngba ka Scheme sorkar wa ya ka AITC kawa da kular wow e T. 1000 samen cha ki manbei wa cha ki khynroo, u Rajiv Kumar da ong u wa ha kam ini i por wei kamwa jooh man wei katkam ka aiñ synchaar paidbah, ki seiñ saiñpyrthai ki emhok ki wow booh kular yong ki hakhmat ki paidbah wei ki em ki ka hok wow tip yei kular kiwa yahaap wa kawa mankaam namo ym em. Da ong u wa ya katni ka Model Code of Conduct ym pu krehkaam ko wei lada ka Model Code da krehkaam ko, neiliang ki bor pynlai Election daw bichaar bniah bha.

Hawa kylli chooh chooh hajrong i pynbaad wa ka NPP ym pu em e ko ya ka bui namo ka Report heiyatoh wa i lut i sep, u Kumar da khana u wa kamwa man katni, katai ka Party da dep ko wow pynbiang ya ki Report hawa yatoh wa i pynlut pynsep ha ka Election kawa da dep, da khana u wa kam ini da jooh jia hanla da booh yei por wa toh u e ki ya ka Report.