Ki result ka 3rd Republic Day Cup, U-12 Football Tournament ynne ka 16 tarik

Jowai : Ynne ka 16 tarik ki yalehke ka 3^rd Republic Day Cup, U-12 Football Tournament da pynman ha pyrdi ka Mynthong wa ka Loomiongkjam, ka Mukhla Raij wa ka Moosalyngkat, ka 7 Wasa wa ka Nangbah Mulang, ka Dulong wa ka Tpep-pale.

Ha pyrdi ka Mynthong wa ka Loomiongkjam, ka Mynthong da jop ko da 4-0. Ya ki kool da thap da u Lastborn Dkhar ha ka minit wa 13 wa 50, wa u Hamedaman Thma ha ka minit wa 27 wa 57.

Ka Mukhla Raij won da pynrem ko ya ka Moosalyngkat da 5-0. Ya ki kool da thap da u Kamuchwa Kynjing ha ka minit wa 11, u Ahuni Suna ha ka minit wa 14 wa 25 wa u Guidingstar Suna ha ka minit wa 16 wa 32.

Ka 7 Wasa da pynrem ko ya ka Nangbah Mulang da 4-0. Ya ki kool da thap da u Fredinge Ryngkhlem ha ka minit wa 18, u Pynshngain Kyndait ha ka minit wa 36, u Arwanki Rymbai ha ka minit wa 50 wa u Kynsai Nyalang ha ka minit wa 55 (OG).

Related posts

District Cricket League: Jop ka Mupliang ya ka NEAU

May 9, 2025

U-20 Men’s National Football C’ship: Psiah Semi ka Meghalaya

May 9, 2025

Ka Dulong da pynrem ko ya ka Tpep-pale da 3-0. Ya ki kool da thap da u Diangheimon Kyndiah ha ka minit wa 21 wa 45 wa u Daoriangdo Lakiang ha ka minit wa 34.

Ka Mukhla Raij wa ka Mynthong na Pool A, ka Dulong wa ka 7 Wasa na Pool B da yoh ki u psiah Quarter Final.