Jowai : Ka Gramoday Invitation Open Football Tournament, ynne ka sngi da poi ko cha ka yakhun Semifinal heiwa da pyndep ya ar tylli ki yakhun semifinal ynne ka 24 tarik.
Ha ka yalehke wa nyngkong ha pyrdi ka 7 Wasa United wa ka Iawpynsin, ka 7 Wasa da jop ko da 2-0. Ya ki kool da thap da u Felixson Bang ha ka minit wa 60 wa u Samson Nongrum ha ka minit wa 62.
ADVERTISEMENT
Ha ya yalehke wa ar ha pyrdi ka Khla Chympa wa ka Jarain. Ka Khla Chympa da jop ko da 2-1. Ya ki kool ka Khla Chympa da thap da u Tiplang Rasmuh ha ka minit wa 14 wa u Mahrhen Kiri ha ka minit wa 45. Neiliang ka Jarian da thap da u S. Suting ha ka minit wa 50.
Ya ka yahun final u pynman mynstep ka 25 tarik ha Kiang Nangbah Stadium, Ladthadlaboh heipor 1 waje i sngi.
Discussion about this post