15 49.0138 8.38624 1 0 4000 1 https://wyrta.com 300 0

Sdang ka 3rd Inivitation Knockout Tennis Ball Cricket Tournament 2017

0 Comments
Advertisement ad1

Jowai : Ka Lion Mission Compound Dorbar Shnong, Jowai ynne ka sngi da pynman biang ko ya ka Invitation Knockout Tennis Ball Cricket Tournament 2017 ka wa man ka sien wa le wa pynman ya ka.

Ha uni u snem da wan chimbynta 14 tylli ki dhab ki wow yakhun ya ka naam jop kamjooh ya ka song poisa wa T. 10,000 wa uwi u sniang katwa kiwa rem ha ka final won daw yoh ki T. 5,000 wa le tylli ki syiar.

Advertisement ad1

Ka yalehke da pynman mar 10 Over chilliang wei kiwa yalehke da em ki mar 9 ngut.

Ha ka yakhun wa pynman ynne ka sngi ha pyrdi ka Tyllilang Sohkymphor pyrchah ya ka Umshangiar, ka Tyllilang da bat nyngkong ko wei da yoh ko 133 run na ki 10 Over deiwa dooh 5 tylli ki wicket. Neiliang ka Tyllilang da yoh boon run dooh da u Rohit Rai uwa yoh 37 run.

Ka Umshangiar won hei kdong yong ka ya ka thong 134 run yow jop ye ko u yoh du 77 run donhi deiwa haap 4 tylli ki wicket ha ka 10 Over. U Lambor Shadap da yoh u 37 run na ki 77 yong ka Umshangiar.

Kamtæ ka Tyllilang da jop ko da 56 run.

Neiliang ki bowler kiwa da leh bha toh u Teilang War wa yoh 2 Wicket na ka Tyllilang wa u Rohit Rai na ka Umshangiar wa yoh leh 2 Wicket.

Ya kani ka 3rd Inivitation Knockout Tennis Ball Cricket Tournament 2017 da pynman da ka Sports & Youth Affairs  Committee.

Advertisement ad1

0 Comments

Leave a Reply