Jowai : Ka Subruto Cup hapoh ka West Jaiñtia Hills ka wa sdang nadooh ka 14 tarik uni u bnai da man ko kawa lai bait heiwa da sdang chwa ya ka kyrdan yaleh ke U-17 wei ha kani ka 17 tarik da sdang won sa ka kyrdan U-14 wei dang pteiñ ya ka ynne ka sngi heiwa 10 tylli ki skur da wan yachim bynta ki ha ki 5 tylli ki yalehke.
Ha ka yalehke wa nyngkong ka Loompyrtuh Secondary School da yaleh pyrchah ko ya ka Church of God Secondary School, Ummulong heiwa ka Loompyrtuh da pynrem ko ya ka Church of God da 5-0.
Ya ki kool da thap da u Kermiki Kyndait ha ka minit wa 10 wa 27, u Deibormi Biam ha ka minit wa 24, u Yooluti Pakma ha ka minit wa 39 wa u Sooki Dkhar ha ka minit wa 42.
Ha ka yalehke wa ar ha pyrdi ka Jowai Presbyterian UP School pyrchah ya ka St. Micheal & All Angels Secondary School ka Jowai Presbyterian da jop ko da 1-0. Ya ka kool wa jop da thap da u Goldenstar Myrchiang.
Ka yalehke wa le da yaleh ka Mookyndur Secondary School pyrchah ya ka Jowai Government UP School. Ha kani ka yakhun ka Mookyndur da jop ko da 3-1.
Ya ki kool ka Mookyndur da thap da u Nightstar Siangshai ha ka minit wa 7, u Heiniwon Pakma ha ka minit wa 11 wa u Consider ha ka minit wa 30. Ya ka kool wa samen yong ka Jowai Government da thap da u Riminga Kungte ha ka minit wa 19.
Ha ka yalehke wa so won ka Lyngdoh Colony Secondary School, Mynso da yachem ko wa ka Little Flower English Secondary School Jowai. Ka Little Flower da rem ko da 2-0.
Ya ki kool ka Lyngdoh Colony da thap da u Lodstart Myrchaing ha ka minit wa 12 wa u Sar-Sa-i-o Syntem ha ka minit wa 30.
Ha ka yaleh wa san ka Q.C. Springside Secondary School da yaleh pyrchah ko ya ka Pdengshakap Secondary School heiwa ka Q.C Springside da rem ko 3-0.
Ya ki kool wa pynjop ya ka Pdengshakap da thap da u Taporban Pohthmni ha ka minit wa 4, u Ponderous Shylla ha ka minit wa 35 wa u Wandame Surong ha ka minit wa 59.
Discussion about this post