Kyrchaan ka KJNU yei dawa Garo Hills State

Jowai : Ka Khasi Jaiñtia National Union (KJNU) Central Body pdiang sñiawbha ko ya i dawa ka Garo Hills State Movement Committee (GHSMC) wei kamjooh leh da e ko ya i kyrchaan wa pura ya kani ka Committee.

Ka KJNU leh kyrchan ko yei dawa ka GHSMC kamwa kyrchaan lang ka ANVC, GSU neibhah ka seiñ ngait ko wa emkaam hadooh kattæ kattæ u yoh jar jiar ka jylla ymtoh neidaw wa u pynyaphær jait bru tangwa neidaw yow pynku ya ki jait bru.

Kamjooh ka seiñ yaroh ko ya ka HYC wa wan ko cha khmat yow dawa ya ka Khasi Jaiñtia State wei yooluti ko leh wa ka seiñ HYC yieñ ko hei jooh i nongrim kam ka KJNU.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Kamtæ ka seiñ da kyntu ko ya waroh ki khon u bri Ynñiaw Wasa nadooh u Pnar, Bhoi, War u Khynriam yow man ki kiwa ya tylli heini i yaleh yow yoh ya kani ka jylla.

Ka seiñ leh khut lang ko ya waroh ki MP, MLA wa ki MDC yow man ki kiwa emkti lang ki nei bynta ka jiatbru khlem em i sñiaw ya phær synchaar khadar .