Ki rynsan Social Media ymtoh kiwa rai yi wow jop Election: Ampareen

Ka kyrtong ka MP ka NPP na Shillong Parliamentary constituency, ka Ampareen Lyngdoh da kynthah kylla ko yei chah kynthah ka NPP ha ki rynsan Social Media khamtam ha kiwa kyrchaan ka Voice of the People Party (VPP), deiwa ong ko wa kani ymtoh ka rynsan wow rai ya ka saiñ pyrthai.

Da ong ko wa lada ka Social Media toh ka wow rai ya ka saiñ pyrthai, ya ki kaam mukotduma, ya ka riam ka bait yong ki kynthai wa i rukom man ki chynrang, da bha wow yakhun Election noh ha Social Media, tangwa katwa ka Election dang pynlai da ka Election Commission of India, hap wow rai dei maya kiwa lai thap Vote.

Ka Ampareen da ong ko wa lada cha jied ko kam ka MP, daw kit lut ko ya ki phang yong ka jaitbru ha Parliament kiwa sahteiñ ha kini ki phaw snem wa da lai.

Da ong ko leh wa em i daw bah wa ka NPP u jop ko ha kani ka Election MP wow wan toh i kamai boon Vote tam ha ka Election MLA kawa dang dep.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong ko wa ym kwah wow pynbaad ya uwon uwon næ u MP wa katni, u Vincent H Pala tangwa u ieh ha ki paidbah wow bichaar ya ki kaam yong u MP.

Heijooh i por da ong ko wa ympu ye wow ong yi wow yakhun MLA heithaw yong ka lada jia jop MP tangwa da ong ko wa khon yong ka leh da heh ko wei ym em i eh wow chimkti ko yaka lyngkor tangwa chong hei rai yong ki paidbah waka Party.

“U hati dang em cha khloo wei iwa kongsan toh yow jop chwa ya ka Election wei daw pait won ya ini i kaam manda toh i por”, da ong ka Ampareen.