Ka FKJGP-Khliehriat Circle hadien wa yoh ko i ujor na ki paidbah ka thaaiñ heiyatoh wa ka yung krehkaam ka Meghalaya Power Distribution Corporations Limited (MePDCL) Mowakhu, East Jaiñtia, ka seiñ da lai yachem ko ya u SDO wa u EE kani ka yung krehkaam tangwa kini ki sahep ym em u wan kreh ki ha kani ka sngi.
Ka seiñ da ong ko wa da pyrchang kylli ko na ki wakreh kiwa da pyntip wa da lai kini ki sahep cha Site wa em kreh wei ini man ko iwi na i eh wa ki paidbah boonsien hap maad ki wym jooh yoh u yachem ya ki sahep neibhah wa wan kreh ki heipor 12:00 waje i sngi teiñ-teiñ 1:00 waje wei liwan ki 2:00 waje wei manda kylli ki paidbah, neiliang ki wakreh da ong bait ki wa lai ki cha Site kini ki sahep.
Neiliang ka seiñ da ong ko wa hawa kamni da chah ktah kiwa dooh ha i lai i wan neibynta i kaam wa khian wei heipor wa wan su ya ka bai bordiñ ki paidbah hap chah ki ya u slap wa ka sngi neibhah kani ka yung krehkaam ymbien ko wow tymmoh tin ya ini i thaw su poisa.
Kamtæ ka seiñ da kyrpaad ko ya kani ka chnat sorkar wow pynbiang yei chakri ya ki paidbah neibhah ya ki da su tulop wow chakri ya ki paidbah.
