theme-sticky-logo-alt
theme-logo-alt

Rah ka West Khasi Hills ya ka U-23 Women’s Inter District Tournament

Ka West Khasi Hills da jop ko ya ka South Garo Hills da 9 Wicket ha ka Final ka U-23 Women’s Inter District Cricket Tournament wa pynman da ka Meghalaya Cricket Association ha Nongstoin ynne ka sngi.

Ka WKH da jop ko ya ka kylla khlem wei da phah Bat nyngkong ko ya ka SGH kawa da ye u kamai 67 deiwa dooh lut ki Wicket na ki 20.3 Over, iwa ka WKH da ye ko wow kdong deiwa dooh du kawi kawa Bat na ki 12 Over.

Ka District Sports Officer ka West Khasi Hills, ka Balarina Syiem da man ko kam ka kongsan ha kani ka sngi deiwa emlang leh ki dkhot ka MCA kam u Honorary Secretary, u Gideon Kharkongor, u Honorary Treasurer, u Dhrubajyoti Thakuria wa u Tournament Committee Chairman, u Dister Marbaniang deilang wa ki dkhot ka West Khasi Hills District Cricket Association wa South Garo Hills District Cricket Association.

Ka Evanrilin S Syiem da pynjop ko da ka bol deiwa yoh 5 Wicket deiwa e 9 Run na ki 3.3 Over deiwa yoh Wicket lang ka Ridahun Nongsiej (2/17) waka Sara Dafica Kharbani (2/23). Ka Smillin N Sangma toh ka samen wa yoh palat 10 Run deiwa yoh 13 Run.

Hawa kdong, ka Sildamicresha Marbaniang da lehbha biang ko deiwa yoh 38 na 39 bol yow pynpoi ya ka liang yong ka chei jop da 9 Wicket. Ka Syiem da yoh ko leh yei naam Player-of-the-match, katwa ka Marbaniang da yoh boon Run dooh ko ha kani ka yakob deiwa yoh 213 waroh. Ka Jaylynn M Marak na South Garo Hills da yoh boon Wicket dooh da 15 tylli tangwa ynne ym em yoh Wicket ko.

Deiwa jop ya ka Final, ka WKH ym em rem ko tang chisien leh ha kani ka lympung yaleh Cricket ki kynthai.

Share this:
Previous

Wa em kiwa chna chram te chlai um u sarok ha Lumshnong, lai tympra ka Magistrate

Next

Ki sahep ka MePDCL toh kiwa lai cha Site bait tangwa kiwa liwan yung smat: FKJGP