Shillong: U Union Minister of State for Social Justice and Empowerment, u Ramdas Athawale ynne ka sngi da ong u wa daw thoh u cha u Montri Rangbah ka jylla u Dr. Mukul Sangma wow sdang noh ya ka skur sorkar neibynta ki bru wa duna hei doh i pran namo ya kiwa tip hei ktien para kam ki People With Disabilities (PWD).
“Da pyntip ki sahep sorkar ya nga wa ym em skur sorkar ya ki PWD hapoh ka jylla wei katni em 12 tylli ki skur neibynta ki PWD kiwa pylla da ki NGO,” da ong u Athawale heipor wa yaklam u wa kiwa pathai khubor ynne ka sngi ha Shillong.
Da ong u leh wa lada ka sorkar leh ko ya ini, ka sorkar pyrdi daw smat ko u e yarap poisa lyngba ki Grant wa ha rukom deiwa ong leh wa katkam wa pyntip ka tnat Social Welfare kamwa 75 % na ki PWD da yoh kaam sorkar ki.
“Da pyntip won u leh wa ka sorkar pyrdi da booh kyrpang ko ya i kreh sorkar wei da pynku ya ki na ka 3% cha ka 4% ya ki PWD wei kamtæ toh u yoh boon chooh ki i kreh hapoh ka sorkar,”.
Da ong u Athawale wa da chong pyrkhat wa lada ki Scheduled Caste (SC), ki Schedule Tribe (ST) wa ki Other Backward Castes (OBC) kiwa mahajon, daw kyrpaad noh ya ki wow dam noh ki u em hapoh ka Reservation wa kynthup ya i kreh sorkar wa ka puræ puthi.
Da pteiñ u deiwa ong wa ya kiwa dooh kiwa haap hapoh ka General Category toh u e Reservation ya ki khlem pynwit ya ka bhah (Quota) ki SC, ST wa ki OBC.
“Nga dadep e buit O leh wow wanrah ya kawi ka Bill hapoh Parliament yow ye u leh ya ini wei yoo luti wa ka sorkar daw mynjur lang ko wa nga.”
U Athwale uwa man leh kam uwa yahkhmat ki jaitbru Dalit hapoh ka jylla Maharashtra won ymbien u wow jubab hawa kylli ya oo wa lada bien u wow yahkhmat deiwa dam u pynemkaam yei hok Reservation wa yoh u hapoh ka Reserved Category (RC).
Discussion about this post