U Montri Rangbah ka jylla, u Conrad Kongal Sangma da ong u wa ka sorkar MDA ym salia ko wow thung ya ki kynhun takit hawa em iwa chah ktah lane i sñiawkhia ki paidbah. Wei ya ini u Conrad da ong u hawa pynuiñ ktien yeiwa pynbaad u President ka MPCC, u Vincent H Pala wa ka sorkar MDA toh ka sorkar thung kynhun takit wei chna Committee.
U Conrad da ong chooh chooh u wa kani man ko ka nongmuna wa ka sorkar MDA da pynyoo ko neibynta i synchaar khadar wa khooid wei pynrap u wa i pynbaad em bait ki tangwa ka takit toh kawa da wanrah yei sakhiat.
Da ong u wa kiwa boon ki kynhun takit da dep ki wow phah ya ki bui (Report) wei ka sorkar da wanrah ko leh yei sakhiat cha ki paidbah wei ym em iyi iyi wow murieh na ki paidbah.
U Conrad da ong chooh chooh u wa lada ka sorkar ym thung ko ya ki kynhun takit leh daw chah pynbaad wa em iyi iyi wa murieh ki deiwa pynrap chooh chooh wa daw em bait ki pynbaad neipor cheipor tangwa ki takit da pynyoo wa i pynbaad sahkut i du hei pynbaad.
