U Montri Rangbah ka Assam, u Himanta Biswa Sarma ynnin ka sngi da ong u wa i tika yada COVID-19 ym toh iwa da pynbor, ym toh wym hoi u dam u chim tangwa kitu ki wym bien u chim tika bha u chong yung ki.
Da ong u wa ki wym pu em yoh tika ym chah ya ki wow wan ki cha ki yalang paidbah, u psiah cha ki yung krehkaam, ki Restaurant wa kiwi ki de ki thaw paidbah.
Da khana u leh wa ha Assam hap wow pynyoo ya ka COVID-19 Vaccination Certificate yow yoh u psiah cha ki thaw paidbah wei wym e laad ya kitu kiwa pyrchah ya ki kaam paidbah.
Da khana u leh wa ha Guwahati da em 100% ki bru wa da yoh yei tika waroh arsien.
Ynnin ka 17 tarik ha Assam da tam 4 klur sien wa e tika heiwa kiwa da yoh chisien da em ki 2,29,02,926 ngut katwa kiwa da yoh la arsien da em ki 1,70,62,917 ngut wa 56,374 ngut kiwa da yoh yei tika pynkhlan.
Kiwa yoh COVID-19 ynnin ha Assam da em ki 6,982 ngut wei kiwa dang chah ktah da em ki 23,948 ngut.
