Ki wym yoh yaki Trading License ha Ichamati-Majai toh ki wym ye wow pynbiang yaki kot ki sla: CEM

Shillong: U Chief Executive Member ka Khasi Hills Autonomous District Council (KHADC), u Titosstarwell Chyne da ong u wow lai li awri hi-eh cha u Lat wa chadooh Kolkata wym yoh Trading License toh kawa ym ye wow man, tangwa ki baar jylla toh u kheiñkor ki leh ya ki Dorbar Chnong, heiwa toh u pyntip ya u Sordar ya ki waheh chnong wow lai yachem yaki wow pynbiang ya ki kot ki sla lada kwah ki ya ka License wow khayi.

U CEM da pyntip u wa neiliang ka sorkar da phah ko yaka KHADC wa toh u e bait yaka Trading License ya kitu kiwa khayi kiwa toh hok wow yoh, deiwa pyntip leh wa ka KHADC toh u jubab ko leh cha ka sorkar wa lada biang ki ya ki kot ki sla katkam ka aiñ, ka Council ym em hok ko wow kyntait ya ki Trading License. Da ong u wa em ka aiñ wa lada ya i kaam wa ye u kreh da ki tre chnong, ym toh de wow e yaka Trading License cha kiwi won wei ya kam kitæ ka KHADC ye ko wow pyndooh, wei ya kiwa thymme hap wow pait katkam ka kyndon.

Hawa kylli, u CEM da pyntip u wa i wym e ya ki Trading License cha ki baar jylla kiwa em ha Ichamati wa Majai (Bholaganj) toh neidaw wym ye u pynbiang ya ki kot ki sla wa emkaam.

Hawa yatoh wow pynthymme ya ki Trading License, da pyntip ki wa ha Ichamati da em 19 ngut kiwa da yoh ya ka License nachwa, na kini ki 9 ngut ym em wan ki wow pynthymme de, katwa 9 ngut won kiwa lai wow pynthymme ym em sooh lang ki ya 3 tylli ki kot ki sla wa emkaam, kitæ ka No Objection Certificate na ka chnong, ka No Objection Certificate na ki tre yung (Tenancy NOC) wa i bai su.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da ong u wa lada ym ye ki wow wanrah ya ki kot wa emkaam, ka Council ym ye ko wow leh iyi iyi leh, deiwa pynrap wa toh u lai mih cha ka yung krehkaam deiwa pynbiang ya ki kot ki sla wei lada ye ki wow pynbiang, ka KHADC ym ye ko wow ksoh ya kiwa da dep yoh License.

U Titos da pyntip u wa ha Majai da em 61 ngut kiwa da dep yoh nachwa ya ka Trading License, na kini da em 5 ngut kiwa da yoh biang hadien wa da pynthymme, 47 ngut na kini ym em lai pynthymme de ki, katwa kiwi kiwa khlem yoh de toh neidaw wym em pynbiang ya ki jooh ki kot wa emkaam.