Da: U Soolangki D. Laloo
Kiang Nangbah kylleiñ da bna
Khon chah radang ka Ri Jaiñtia.
Neibynta ka jaitbru wa ka Ri
Tkut i mynsien mi ha’u tylle pasi.
Wym hun ki khmat mi u pait u yoo
Da i ki tre chnong wow man ki broo.
Wym hun ki chkoor mi u ap u sñiaw
Yei ood ki khon ka Ri, miet, step, sngi, synyaaw.
Yieñ mi hei hok, yieñ mi ha ka yurim
Ya ka Ri, ka jaitbru u pyn-im.
La ha ka thma næ hei ktien
Wym ran, wym ran chadien.
Nongialeh, nongialam toh sakhiat uni!
U wym tieñ, wym kheiñ yei yi, yei yi.
Tang wow suk ki khon ka Ri
Ong u ymphær han kut ha tylle pasi.
Khon ka Ri ya me kynmoo maya
Im i pyrtuid, i naam mi neh rata.
Ki kyntien wei kaam wa hok yong me
Ha i ki pateiñ wow boodlate.
Khon ka Ri! ka juk katni
Khutlang O waroh ya phi.
To ya bood nongmuna wabha
Kam u Kiang wa maya yong phi yong nga.
Mynsien adnood, mynsien bichni
To beh chajngai nanga, naphi,
Ya sñiaw chi-payu, yaman iwi
Yow im ka jaitbru, yow im ka Ri.
