Uwa yahkhmat ka NPP uwa man leh u Montri sorkar jylla, u Rakkam A Sangma da ong wa ha kani ka Election ki Balang da chah pynsñiawthooh bakla ki ha ki khubor kam ki Video wa da chna thok, iwa da pynman langkñia ya ka NPP.
Hawa klam wa kiwa thoh khubor ynne ka sngi, u Rakkam da ong u wa ki Balang da man ki i daw wa pyman yei rai ha ka Election khamtam hadien wa ka BJP ym em sai kyrtong ko yow yakhun MP deiwa kyrchaan ya ka NPP, kamtæ ki Balang da chah pynsñiawthooh bakla yei wym toh iwa sakhiat.
Da ong u wa kam ka party, ka NPP daw chong yalang yow ya phyllu ya pyrkhat yeini wa rem. Heijooh i por da pynsñiaw u yei kyrmen hadien wa ka synjuk National Democratic Alliance (NDA) wa yahkhmat da ka BJP wa da wan biang ko hei bor ha ka sorkar pyrdi.
Kam wow pynkynmoo wa ki kyrtong ka NPP na Tura wa na Shillong da rem tput ki ha kani ka Election MP cha ka Lok Sabha, kawa da pynbna ha ka 4 tarik uni u bnai.
Discussion about this post