Kiwa chim kabu wow chna ya ki Deepfake Video daw chah kset ki 3 snem

Hadien wa poor iwi i Video yong ka Rashmika Mandanna kawa man ka Actress wa ak ha ki phlim Telegu, Kannada, Tamil wa Hindi wa psiah ko hapoh kawi ka Lift tangwa hadien da chem wa em wa booh hi eh yei dur yong ha i doh yong kawi won ka kynthai kawa tip kam ka Zara Patel kawa sah ha England, da pynkhrngiat i ya kiwa boon neibhah nyngkong waroh da mut ki wa kani ka bru toh ka Rashmika tangwa ka Zara Patel da wan ko chakhmat wow ong wa da em kiwa leh dei stat wa tip kam i Deepfake yow pynchna ya ini i Video wa chah riñ ko.

Hajrong ini, neiliang ka Ministry of Electronics & IT ka sorkar India da phah ko ya ki rynsan Social Media wow pait bniah ki ya em wa leh kam kini ki Deepfake wei wow pyndooh ki hapoh 36 kynta hadien wa yoh yei ujor.

Lada kiwon kiwon ki rynsan ym leh ki wow pyndooh ya kini ki Video daw chah pynchitom ki katkam ka aiñ IT Act 2020 waka IT Rules 2021.

U Montri ka Electronics & IT, u Rajeev Chandrasekhar da ong u wa emkaam wow yada ya ki bru na kini kiwa chim kabu deiwa pynemkaam da ki Deepfake wei ka Ministry of Electronics and Information Technology (MEITY) da dep ko wow pynbna ki kyndon kammon wow leh manda chem ya kam kini ki Deepfake.

Related posts

Yoh kem drugs kiwa chong chnong ka Namdong

November 23, 2024

Yoh kem ki pulit ya uwa lai maham bru da kawi ka Pistol

November 21, 2024

Da ong u leh wa kini ki Deepfake daw ktah bha i ya ki khynnah wa ki kynthai manda em ki bru wa chim kabu wei emkaam wow yada ya ki, wei katkam ka aiñ, ki rynsan Social Media næ kiwon kiwon wa booh ya kini hap ki wow pyndam ki hapoh 36 kynta hadien wa yoh yaka ujor katkam ka aiñ.

Da pynchlur u leh ya kitu kiwa chah ktah ha kini ki Deepfake wow lai ujor FIR ki cha ki pulit kiwa hap wow pyndep yei kaam hapoh i por wa da booh ka aiñ wei kiwa emkti daw chah kset ki 3 snem deilang waka kuna wa Rs. 1 lak

Ya ini i Video ye phi wow pait heini ha wah.