theme-sticky-logo-alt
theme-logo-alt
Advertisement ad1
Advertisement ad1

Kiwa emkaam u tip hawa pynhær ya ka lama ka ri

Advertisement ad1

Ka Har Ghar Tiranga Campaign namo i booh lama ka ri ha kawi pa kawi ka yung toh kam chibynta wow pynchlur ya kiwa chong chnong ka ri wow pynhær ya ka lama ka ri ha ki yung ki sem yow em yei mynsien maya ri.

Ki phang wa hap u kynmoo hawa pynhær ya ka lama ka ri kawa tip leh kam ka Flag Code of India, 2002 man ki kamni ha wah:

Advertisement ad1

Emkaam wow burom ya ka lama ka ri wei i rukom pynhær ya ka lama toh iwa da pait hapoh ka aiñ Prevention of Insults to National Honour Act, 1971 waka Flag Code of India, 2002 heiwa ya kani toh kawa da pynkylla ha ka 30-12-21 heiwa da chah ya ki lama wa chna da ki Polyester kamjooh kiwa da soor dei soor da ki kor kamjooh dei kti kiwa ye u man da ki Cotton/Polyester/Wool/Silk Khadi Bunting.

Ki bru paidbah, ki yung krehkaam ki bru samen, ki thaw puræ toh kiwa chah wow pynhær ki ya ka lama ha waroh ki sngi, ki sngi kyrpang deiwa burom ya ka lama ka ri.

Ka Flag Code of India, 2002 toh kawa da pynkylla leh ha ka 19-07-22 heiwa da chah wa lada pynhær ya ka lama toh u pynhær i sngi wei miet wei toh u booh hei thaw wa chynna bha ka da kawa miat ym toh da kawa da sih.

Ym toh wow pynhær ya ka lama deilang wa kiwi na u jooh u chrot.

Ki lama ym toh wow pynhær ha ki kari lait noh ki kari kam ka yong President, Vice President, Prime Minister, ki Governor, Chief Minister, ki Cabinet Minister wa kiwi kiwi.

Ym toh u pynhær ya kiwi ki lama rap jrong bar ya lama ka ri lane ha chrooh yong kiwi ki lama.

Ym toh wow pynhær ya ka lama dei khangtleiñ heiwa i rong umsoh ym toh u em i cha tre.

Ym toh u pyndem ya ka lama kam i dak salam ya uwon uwon.

Ya ka lama ym toh u pynemkaam kam i tiar pynriam, ym toh u bi ko cha khyndaw, u bi ko cha um, u tymmoh ya ka miej ka kiwi de.

Ya ka lama ym toh u pynemkaam kam chibynta i riam lane ka Uniform kawa da sap ha wah u tympong wei ym toh u soor ya ka lama ka ri ha ki cushion, ki that niamkti, ki sula poh lane kiwon kiwon ki jait riam.

Ya waroh ki kyndon ye wow puræ ha ka Website ka MHA deiwa Click heini wa heini.

Share this:
Previous

Pyndep ka Raij Ialong ya ka Behdieñkhlam da ka wyrta wa emkaam i stat wei chait i khiah 

Next

Ka DoT ym jooh e NOC ko wow booh Mobile Tower