theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Pyndep ka Raij Ialong ya ka Behdieñkhlam da ka wyrta wa emkaam i stat wei chait i khiah 

Ynne ka sngi hadien kamwa ar snem wa pynthut ka khlam COVID-19, ki khon Ñiamtre ka Raij Ialong da pyndep ki ya ka lehniam wa kongsan tam yong ki, ka lehniam Behdieñkhlam ha Aitnar, Pyrda Park, Ialong. 

Ha kani ka sngi da wanrah hadooh 11 tylli ki rong na ki Dong ki kyntoit waphær waphær hapoh ka chnong Ialong wa kamjooh na Wahiajer wa na Nongkyllep. 

Ya kani ka sngi khaddooh da wan sakhi da u Montri ka sorkar jylla wa pait ya ka chnat Transport, u Dasakhiatbha Lamare, katwa u MLA ka Jowai, u Wailadmiki Shylla da man u kam u symbood kongsan hei emlang u Dolloi ka Elaka Jowai, u Puramon Kynjing, u MDC ka Jowai Central u Andrew Shullai wa kiwi kiwi. 

Hawa yaklam wa u President ka Seiñraij Ialong, u Pyrkhat Shylla da ong u wa kani ka Behdieñkhlam ka Raij Ialong toh kawa da jooh pyndep nadooh ki por warim wei ka lehniam da sdang ko nadooh ka 30 Naiynñiaw wei da pynkut ya ka ynne ka 7 tarik. 

Da ong u wa ha kani ka Behdieñkhlam da pyndep ya ki lehniam wa har rukom katkam ki sarin ka niam, wei da chna ya ki rot ki rong ynne kam chibynta wow pynphooh ya kani ka lehniam khnang wow man ko kawa jop. 

Heijooh i por da ong u wa kani ka lehniam toh wow e ngooh e dem ya ki Blai ki Syiem wow beh ya i chitom i saja kamjooh wow kyrkhu kyrdoh ya ki khon ka Raij nadooh kiwa em ha i puræ puthi, i khih i kreh kamjooh leh kiwa im hei rep i riang. 

Ha kani ka sngi ki khon ka Raij da e ki ya ka wyrta ka chula cha ki paidbah heiyatoh wa i emkaam i stat i tip, i chait i khiah wa kiwi kiwi.

Share this:
Previous

Chah kem u pulit ka Assam heipor wa baam tangka pyn hapoh Police Station

Next

Kiwa emkaam u tip hawa pynhær ya ka lama ka ri