Ka FKJGP- Khliehriat Circle ynne da thoh ko cha u SP ka East Jaiñtia Hills hajrong i joor i khayi masi pyrchah ya ka aiñ deilang wa i chini lyngba ki thaaiñ khappood kam ka Umkiang, Huroi wa Borghat cha Bangladesh.
Da pyntip wa kini kiwa khayi tooh da pynemkaam ki da u sarok Khliehriat-Sonapur wa u sarok Ladrymbai-Borghat wei kini ki bru da yoh yarap ki leh na ki bru kiwa na Bangladesh wei kini ki jooh ki bru leh da yarap ki wow psiah ki Bangladeshi chapoh India khlem da biang ki kot ki sla. Wei deiwa leh kamni da yah ko leh chei chah dat chah lute ki tre chnong wa em ha khappood deiwa pynchlur ya kini ki Bangladeshi wow psiah ki cha India.
“Manda jia kamni da pynsier ko kiwa chong chnong kiwa da hap wow im dei tieñ,” da ong ka seiñ.
Kamtæ da kyntu ya u SP wow chimkhia u yeini i kaam khlem da pynslem deiwa ya krehlang wa ki BSF kamjooh kiwa chong chnong kiwa smat wow yarap.
Ka seiñ da e por ko leh le sngi wow leh yeini wei lada yoo wym kylla iyi iyi, daw chim noh ko yei kaam ha kti yow leh katwa yoo toh u leh yow yada ya ka chnong ka thaw yong i.
Discussion about this post