Yoh yarap poisa sa ka Dr. Norman Tunnel Hospital, Jowai

U Montri Rangbah ka Meghalaya, u Conrad K. Sangma ynne da e kti u ya ka bhah wa nyngkong kawa ₹1 klur hapoh ka Meghalaya Healthcare Advancement Policy (MHAP) cha ka Dr. Norman Tunnel Hospital, Jowai.

Waroh ka yarap dapoi ko ₹2 klur wei daw yoh ya ka bhah wa ar hadien wa dep u pynyoo wa dadep pynemkaam ya ka ₹1 klur wa da e chwa wei ya kani ka poisa toh u pynemkaam da ka Hospital katkam wa emkaam ki nadooh wow thied tiar, u pynchna ya kiwa da sih wa kiwi kiwi de.

Ka Dr. Norman Tunnel Hospital da man ko ka Hospital wa san wa da yoh yeini i yarap hapoh ka MHAP kawa da e cha ki thaw sumaar wa pynlai da ki seiñ niam wa ki seiñ wym toh neibynta i yoh nong wei neiliang ka sorkar da booh ko ₹10 klur wow e yarap cha kini ki 5 tylli ki thaw sumaar.

U Conrad da ong u wa ini ymtoh i e yarap chisien donhi tangwa i sdang i ya krehlang wei ya kani ka poisa wa e yarap ye u pynemkaam katwa yoo biang ka Hospital wei katkam wa emkaam.

Related posts

Psiah NPP ki dkhot ka UDP na Umroi, sah sa du u Secretary

May 30, 2026

Da wai ya ka Integrated Multipurpose Indoor Hall ha Shillong kawa da chna hei lut wa ₹132.9 klur

May 30, 2026

Ya ka yalang da pynlai da u Rev. S. Lamare uwa da pynsñiaw yei sñiawngooh wei da paan yarap u leh neibynta ka Nursing School.

Neiliang ka Dr. D. Nongpluh, Medical Superintendent da ong ko wa da emkaam bha wow thied ya ki Renal Dialysis Unit deiwa e daw wa katni boon ki kjut wa yoh ki bru toh ki wym poor uwi na uwi.