Shillong : Ka KSU SWKH da mih ko cha khmat wow pynrem joor ya ka Joint Action Committee kawa kynthup ya ka HANC, Synjuk ki Hynniew Shnong Mawthabah Area, Synjuk Nongsynshar Shnong Warsan Lyngdoh Area, Land Owners Association Mawthabah Area, Synjuk ki Rangbah Shnong Umdohlun Area wa kiwi kiwa mih wow kyrchaan ya ka surok ‘Two Lane’ na Nongstoin hadooh ha Mawthabah kawa da kdaw che ha ki kot ki sla yong ka Ministry of Road, Transports & Highway wa toh u surok wa da booh kyrpang neibynta u Uranium.
Na ka liang ka Seiñ da ong ko kamni næ;
- Ka Cabinet Committee on Infrastructure da mynjur ko ya u surok ‘Two Lane’ ha ka 10.04.2010 deilang wa ki kyndon wa utai u surok u yarap u hei tih ya u Uranium hapoh ka jylla Meghalaya.
- Ki tai kiwa kyrchaan ya uni u surok toh ki agent ka UCIL wei man ki leh kam ki suri sap snieh langbrot kiwa yieñ ha i nongrim yow wanrah yei roi i paar yow yah bakla ya ki paidbah.
- Yei kam katai ka Joint Action Committee wa waroh ki paidbah yong katai ka thaiñ kyrchaan ki ya uni u surok toh iwa bakla neibhah ini i kam ki toh iwa chim kabu neibhah ym em chim ki yei rai ki paidbah chwa u pynmih khubor ki.
- Kamjooh leh iwa kam kitai ki wa kyrchaan ya uni u surok wa kiwa pyrchah toh du kitu wa sah ha Shillong wa ha Mawkyrwat toh iwa ym ye u pdiang ka seiñ KSU SWKH. Niebhah kam i chem ka seiñ wa toh uni u surok han lada pynwandur ya oo kam uwa daw yarap ya ki paidbah tangwa hei sakhiat uni u surok toh uwa daw tynyap ya ka mynstep man kawi ka jait bru. Da ong leh da pynsakhiat ya ini hadien wa da dep pynman yalang paidbah ha ka chnong Umdohlun.
- Ka Seiñ leh da klam ko deiwa che ya ka KHADC wa lada nood ko u e NOC hei yatoh wa uni u surok, ka seiñ man ko kawa da pynkhreh u mih paidbah yow pyrchah ya ka KHADC. Ka seiñ da pynkut ko deiwa ong dang yang ko yei rai ka KHADC.
Kani toh katkaam wa pynmih u Forwardman Nongrem, GS KSU SWKH.
Discussion about this post