Kiwa psiah cha ka NPP toh kiwa da dep chah pyndooh wei chah beh seiñ: Nartiang Congress

Ka 1-Nartiang Block Congress Committee wan ko wow pynche cha ki paidbah wa kiwa kyrchaan yong ka Party wym toh u dooh kyrmen ki hawa yoo ya ki khubor wa em kiwa da mih naka Party wei psiah ki cha ka NPP.

Da pynche wa kini kiwa psiah cha ka NPP ha kini ki sngi wa dadep toh ki bru ki wym biang u man kam kiwa yahkhmat ka Party neibhah wa man ki ki bru wa kwah myntoi samen hawa poi kam ini i por Election kwah ki wow yoh seiñ yoh nong lyngba ki kyrtong Election. Da pyntip leh wa kini kiwa kam wa man ki kiwa kitkaam ka Party da dep pyndooh kaam wei da beh seiñ ya ki nadooh ka 17 tarik u Naichiphaw 2022 neibhah wa da chem tre yei buit ki u yakhun u yoh ksoh kaam haka Party Congress du yow heh dor ki manda em wa thied ya ki.

Ka Party Congress da chem ko leh wa kini ki bru ym toh kiwa biang wow yahkhmat ya ka Party ha chnong ha thaw, haka imlang sahlang wa ya ka jaitbru neibhah wa man ki ki bru wa arsap wei buit tooh dooh neibynta i myntoi samen wei na kini ki daw ka Party Congress da leh ko yeiwa emkaam hawa yatoh wa ki.

Ha iwi won i liang, ka Party kwah ko u khana paidbah wa boon bha kiwa kitkaam wa hakhmat wa kiwa kyrchaan ka NPP waka BJP kiwa da psiah cha ka Congress ha kylleiñ kylleiñ ki chnong kiwa haap hapoh ka Nartiang Constituency tangwa ym kwah ko u khana lut yei pyrtuid ki neibhah da yoo wa ha kani ka kynti ka “Silent Vote” u pynjop ko ya ka Party Congress, wei ini pynman i ya ka Party Congress wow dang ya boon paaid chooh chooh bar ya nachwa wei u pynpoi bait ki paidbah yaka Congress chei jop ha kani ka kynti neibhah da yoo wa ki paidbah man ki kiwa sian wa kiwa stat u bichaar iyi wa kani ka sorkar MDA wa uwa mihkhmat uwa katni da leh u haka Constituency.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Lyngba kani ka Wyrta, ka Party Congress kwah ko wow pyntikna wa ka daw jop bait ko ya ka Election 2023. Itæ i daw kyrpaad ko ya kiwa kyrchaan yong ka wow yaichah ki sa kajiak bnai hi-eh da dep ka Election, wym toh u chah pynbiej ki wei toh u bichaar ha ki 15 snem wada lai ki paidbah chah iehbeiñ ki ha waroh ki liang tangwa manda poi i por Election tæ katwa paan leh yoh lut ki du neibynta ka chibet por.

Ka kyrwoh wa da phah da u President wa kiwa kitkaam ka 1-Nartiang Block Congress Committee.